ప్రజాశక్తి-విజయనగరం : ఆంధ్రుల కలల అమరావతి రాజధానిని కొనసాగించాలని.. ఒక విజన్‌తో రాష్ట్ర ప్రతిష్టను పెంచిన చంద్రబాబునాయుడును ఆపద నుంచి తప్పించాలని రాష్ట్రపతి, రాష్ట్ర గవర్నర్‌ను, ప్రధాని మోడీని అభ్యర్థిస్తూ టిడిపి ఎచ్చెర్ల నియోజకవర్గం సీనియర్‌ నాయకులు కలిశెట్టి అప్పలనాయుడు ఉత్తరాంధ్రలో మిలియన్‌(10లక్షలు) సంతకాల సేకరణ ఉద్యమానికి శ్రీకారం చుట్టారు. శనివారం జిల్లా టిడిపి కార్యాలయంలో పొలిట్‌బ్యూరో సభ్యులు పి.అశోక్‌గజపతిరాజుతో తొలి సంతకం చేయించారు. ఈ సందర్భంగా అప్పలనాయుడు మాట్లాడుతూ.. రాజధాని అమరావతిని, చంద్రబాబు నాయుడులను ఆపద నుంచి తప్పించేందుకు మిలియన్‌ సంతకాల సేకరణ కార్యక్రమాన్ని ప్రారంభించినట్లు తెలిపారు. నెలరోజుల వ్యవధిలో ఉత్తరాంధ్రలోని 36 నియోజకవర్గాల్లో గల బస్టాండ్లు,పబ్లిక్‌ ప్రదేశాలు, జనంతో రద్దీగా ఉన్న ప్రాంతాలకు వెళ్లి ప్రజల నుంచి సంతకాలు సేకరించనున్నట్టు చెప్పారు.
డెంకాడ : మండలంలోని గుణుపూరుపేట గ్రామంలో బాబుతో నేను కార్యక్రమంలో భాగంగా శనివారం టిడిపి నాయకులు కరపత్రాలను పంపిణీ చేశారు. అనంతరం గ్రామంలో రచ్చబండ కార్యక్రమాన్ని నిర్వహించారు. ఈ కార్యక్రమంలో సీనియర్‌ నాయకులు, మాజీ ఎంపిపి కంది చంద్రశేఖర్‌రావు, మాజీ జెడ్‌పిటిసి పతివాడ అప్పలనారాయణ, టిడిపి మండల అధ్యక్షులు పల్లె భాస్కరరావు, నాయకులు పాణిరాజు, నారాయణరావు, అప్పలనాయుడు, మోహన్‌, రామారావు, రమణ, అప్పలరాజు, రవి, సతీష్‌, ప్రసాద్‌, మధు తదితరులు పాల్గొన్నారు.
భోగాపురం: వైసిపి ప్రభుత్వం అవినీతికి అంతులేకుండా పోయిందని టిడిపి మండల అధ్యక్షులు కర్రోతు సత్యనారాయణ అన్నారు. చంద్రబాబు అరెస్టు నిరసిస్తూ మండలంలోని నందిగాం పంచాయతీలో శనివారం కరపత్రాలను పంపిణీ చేశారు. రాష్ట్రాన్ని అభివృద్ధి చేసిన వ్యక్తిని అన్యాయంగా అరెస్టు చేశారని అన్నారు. ఈ కార్యక్రమంలో యూనిట్‌ ఇంచార్జి సూర్యతేజ మాస్టర్‌, పార్టీ నాయకులు ఉత్తాడ అప్పలసూరి, శ్రీనివాస్‌, నంద ముకుంద తదితరులు పాల్గొన్నారు.
