ప్రజాశక్తి-విజయనగరం టౌన్‌ : విజ్ఞాన భారతి, ఆప్‌ క్యాస్ట్‌ ఆధ్వర్యంలో ప్రభుత్వ పాఠశాలల విద్యార్థులకు ప్రతి ఏటా నిర్వహించే క్విజ్‌ కార్యక్రమం కౌశల్‌ 2023 పోస్టర్‌ను డిఇఒ బి.లింగేశ్వర్‌ రెడ్డి గురువారం ఆవిష్కరించారు. ఈ సందర్భంగా ఆయన మాట్లాడుతూ భారతీయ శాస్త్రవేత్తల గురించి స్వదేశీయ సైన్స్‌ ఆవిష్కరణలు మన భారతదేశ ప్రగతిని తెలుసుకోవడానికి కౌశల్‌ ఒక చక్కటి వేదిక అని అన్నారు. ప్రభుత్వ పాఠశాల విద్యార్థులు ఈ కార్యక్రమంలో పాల్గొనడం ద్వారా భవిష్యత్తులో పోటీ పరీక్షలకు ఉపయోగపడుతుందని తెలిపారు. ప్రతి స్కూల్‌ నుండి 8, 9,10 తరగతి విద్యార్థులు పాల్గొనేలా ఉపాధ్యాయులు ప్రోత్సహించాలన్నారు. కార్యక్రమంలో కౌశల్‌ రాష్ట్ర కోఆర్డినేటర్‌ డి. చంద్రశేఖర్‌ జిల్లా కోఆర్డినేటర్‌ టి.రాజేష్‌ జిల్లా జాయింట్‌ కోఆర్డినేటర్‌ జి.సన్యాసినాయుడు, కౌశల్‌ జిల్లా సభ్యులు శివాజీ పాల్గొన్నారు.
