ప్రజాశక్తి-భోగాపురం : రాష్ట్రంలో పేదల ఆరోగ్యానికి భరోసా కల్పించడమే ముఖ్యమంత్రి జగన్మోహన్‌ రెడ్డి లక్ష్యమని ఎమ్మెల్యే బడ్డుకొండ అప్పలనాయుడు అన్నారు. మండలంలోని ఎ.రావివలస సచివాలయంలో జగనన్న ఆరోగ్య సురక్ష కార్యక్రమాన్ని సర్పంచ్‌ ఉప్పాడ శివారెడ్డి ఆధ్వర్యంలో మంగళవారం నిర్వహించారు. ఈ సందర్భంగా ఆయన మాట్లాడుతూ రాష్ట్రాన్ని ఆరోగ్య ఆంధ్రప్రదేశ్‌గా మార్చిన వ్యక్తి జగన్మోహన్‌ రెడ్డి అన్నారు. ఉప్పాడ శివారెడ్డి మాట్లాడుతూ ఆరోగ్య సురక్ష కార్యక్రమాన్ని ప్రతిఒక్కరూ వినియోగించుకోవాలని కోరారు. 454 మంది పరీక్షలు చేయించుకోగా, నలుగురిని రిఫర్‌ చేసినట్లు పోలిపల్లి వైద్యాధికారి తిరుపతిస్వామి తెలిపారు. మరో 22 మందికి కంటి పరీక్షలు చేయగా కంటి అద్దాలు అవసరమని గుర్తించామన్నారు. అనంతరం అంగన్వాడీ స్టాళ్లను ఎమ్మెల్యే పరిశీలించారు. కార్యక్రమంలో ఎంపిడిఒ ఎన్‌.అప్పలనాయుడు, తహశీల్దార్‌ చింతాడ బంగార్రాజు, సవరవల్లి సర్పంచ్‌ ఉప్పాడ విజయ భాస్కర్‌ రెడ్డి, ఇఒపిఆర్‌డి సురేష్‌, ఎంఇఒలు రమణమూర్తి, చంద్రమౌళి, ఎపిఒ ఆదిబాబు, ఎపిఎం రమణ తదితరులు పాల్గొన్నారు.
నెల్లిమర్ల : బురాడపేటలో ఏర్పాటుచేసిన జగనన్న ఆరోగ్య సురక్ష శిబిరాన్ని ఎమ్మెల్యే బడ్డుకొండ అప్పలనాయుడు ప్రారంభించారు. ప్రజల ఆరోగ్య పరిస్థితులను, వారికి చేస్తున్న వైద్య పరీక్షలను పరిశీలించారు. ఈ కార్యక్రమంలో ఎంపిపి అంబళ్ల సుధారాణి, జెడ్‌పిటిసి గదల సన్యాసి నాయుడు, వైసిపి జిల్లా ప్రధాన కార్యదర్శి అంబళ్ల శ్రీరాములు నాయుడు, మండల అధ్యక్షులు చనుమల్ల వెంకటరమణ, వైస్‌ ఎంపిపిలు సారికి వైకుంఠంనాయుడు, పతివాడ సత్యనారాయణ, టూరిజం డైరెక్టర్‌ రేగాన శ్రీనివాస్‌రావు, తుమ్మలపేట పిఎసిఎస్‌ అధ్యక్షులు కోట్ల పైడినాయుడు, ఎంపిడిఒ రామారావు, తహశీల్దార్‌ డి.ధర్మరాజు, తదితరులు పాల్గొన్నారు.
కొత్తవలస : దేశపాత్రునిపాలెం సచివాలయంలో ఆరోగ్య సురక్ష ఉశిబిరంలో 501 మందికి తనిఖీలు చేసినట్లు వైద్యాధికారి డి.సీతల్‌వర్మ తెలిపారు. సర్పంచ్‌ దళాయి లక్ష్మి ఆధ్వర్యంలో ఈ శిబిరాన్ని ఏర్పాటుచేశారు. కార్యక్రమంలో ఎంపిడిఒ పద్మజ, డిప్యూటీ తహశీల్దార్‌ రమేష్‌, మాజీ ఎంపిపి గొరపల్లి శివ, ఎంపిటిసి కె.లక్ష్మి, వైస్‌ సర్పంచ్‌ ఏడువాక నారాయణ పాల్గొన్నారు.
మెరకముడిదాం : మండలంలోని బైరిపురంలో ఆరోగ్య సురక్ష శిబిరాన్ని ఏర్పాటుచేశారు. 426 మందికి వైద్యులు పరీక్షలు నిర్వహించారు. కార్యక్రమంలో ధీర ఫౌండేషన్‌ అధ్యక్షులు డాక్టర్‌ సందీప్‌, నాయకులు తాడ్డి వేణుగోపాలరావు, డిసిఎంఎస్‌ మాజీ చైర్మన్‌ ఎస్‌వి రమణరాజు, కెఎస్‌ఆర్‌కె ప్రసాద్‌, ఎంపిడిఒ రత్నం, డిటి గిరిధర్‌, సర్పంచ్‌ పప్పల విజయ కుమారి, ఉపసర్పంచ్‌ పప్పల క్రిష్ణమూర్తి, పప్పల గ్రహణేశ్వరరావు, కందుల మల్లికార్జునరావు, వైస్‌ ఎంపిపి కందుల పార్వతి, డాక్టర్‌ అజరు కుమార్‌, డాక్టర్‌ అజిత్‌ బాబు, డాక్టర్‌ అమృత, డాక్టర్‌ సింధూజ పాల్గొన్నారు.
డెంకాడ : మండలంలోని రఘుమండ గ్రామంలో ఏర్పాటు చేసిన ఆరోగ్య సురక్ష శిబిరాన్ని ఎంపిపి బంటుపల్లి వెంకట వాసుదేవరావు ప్రారంభించారు. కార్యక్రమంలో వైస్‌ ఎంపిపి పిన్నింటి తమ్మునాయుడు, సర్పంచ్‌ గూడేల విష్ణు, ఎంపిడిఒ డిడి స్వరూపరాణి, మోపాడ, డెంకాడ వైద్యాధికారులు, వైద్య సిబ్బంది పాల్గొన్నారు.
వేపాడ : మండలంలో డబ్బిరాజుపేట గ్రామంలో సర్పంచ్‌ దండుపాటి ముత్యాలమ్మ ఆధ్వర్యంలో ఏర్పాటు చేసిన ఆరోగ్య సురక్ష శిబిరాన్ని ఎంపిపి డి.సత్యవంతుడు ప్రారంభించారు. కార్యక్రమంలో జెడ్‌పిటిసి శానాపతి అప్పలనాయుడు, మండల ప్రత్యేకాధికారి లక్ష్మీనారాయణ, ఎంపిడిఒ బిఎస్‌కెఎన్‌ పట్నాయక్‌, తహశీల్దార్‌ ప్రసన్నకుమార్‌, ఎంపిటిసి చామంతుల లక్ష్మి పాల్గొన్నారు.
