జాతీయ పోటీలకు కస్పా స్కూలు విద్యార్థి

ప్రజాశక్తి-విజయనగరం టౌన్‌ :  ఈనెల 1, 2, 3 తేదీల్లో జరిగిన రాష్ట్ర స్థాయి స్కూల్‌ గేమ్స్‌ పెన్సింగ్‌ పోటీలలో కస్పా హైస్కూలుకు చెందిన పదో తరగతి విద్యార్థి ఆర్‌.లిఖిత కుమార్‌ కాంస్య పతకం సాధించి జాతీయ జట్టుకు ఎంపికయ్యాడు. జాతీయ పోటీలు ఈనెల 20నుంచి 24 వరకు జమ్మూకాశ్మీరులో జరుగనున్నాయి. లిఖిత్‌ కుమార్‌ పలు మార్లు రాష్ట్ర, జాతీయ స్థాయి పోటీలలో పాల్గొన్నాడు. విద్యార్థి ఎంపిక పట్ల పాఠశాల ప్రధానోపాధ్యాయులు జి. శంకర్రావు, పాఠశాల సిబ్బంది, కోచ్‌ డివి చారి అభినందించారు.