Oct 13,2023 20:26

ఎంపికైన విజయలక్ష్మి, ఆదిలక్ష్మి, కనక మహాలక్ష్మి

ప్రజాశక్తి-విజయనగరం టౌన్‌ :  అక్టోబర్‌ 16వ తేదీ నుండి 19వరకు న్యూఢిల్లీ లో జరిగే జాతీయ స్థాయి ఆలిండియా సివిల్‌ సర్వీసెస్‌ ఖోఖో పోటీలో పాల్గొనే ఆంధ్రప్రదేశ్‌ జట్టులో జిల్లాకు చెందిన ముగ్గురు వ్యాయామ ఉపాధ్యాయినులకు అవకాశం లభించింది. ఆలిండియా సివిల్‌ సర్వీసెస్‌ పోటీలో మొదటి సరిగా ఖోఖో పోటీలు నిర్వహిస్తున్నారు. వ్యాయమ ఉపద్యారాలుగా పనిచేస్తూ క్రీడాకారులను తయారుచేస్తున్న కోనూరు హైస్కూలు పిఇటి ఎస్‌.విజయలక్ష్మి, పెద్దతాడివాడ హైస్కూలు వ్యాయమ ఉపాధ్యాయురాలు సిహెచ్‌. ఆదిలక్ష్మి, మెట్టపల్లి హైస్కూలు పిఇటి ఎస్‌.కనక మహాలక్ష్మి రాష్ట్రజట్టుకు ఎంపికయ్యారు. వీరి ఎంపిక పట్ల జిల్లా కబడ్డీ, ఖోఖో అసోసియేషన్‌ నాయకులు, సభ్యులు హర్షం వ్యక్తం చేశారు.