ప్రజాశక్తి-అనకాపల్లి
భారత దేశ తొలి ప్రధాని పండిట్‌ జవహర్‌ లాల్‌ నెహ్రూ 134వ జయంతి వేడుకలు కాంగ్రెస్‌ పార్టీ ఆధ్వర్యాన మంగళవారం అనకాపల్లి ఘనంగా నిర్వహించారు. నెహ్రూ చౌక్‌లో నెహ్రు విగ్రహానికి అనకాపల్లి పార్లమెంట్‌ సమన్వయకర్త బోయిన భానుమూర్తి యాదవ్‌ పూలమాలలు వేసి నివాళులర్పించారు. నెహ్రూ దేశానికి చేసిన సేవలను కొనియాడారు. ఈ కార్యక్రమంలో కాంగ్రెస్‌ నాయకులు అర్‌అర్‌ నాయుడు, కాళ్ళ సత్యనారాయణ (ఏడు కొండలు), సేనాపతి ఈశ్వర్‌రావు (రాజు), కె వి మాణిక్యం, గణపతి, మాడేపు నాయుడు, వాయిబోయిన రాజు పాల్గోన్నారు.
అచ్యుతాపురం : కాంగ్రెస్‌ పార్టీ ఆధ్వర్యంలో మంగళవారం తిమ్మరాజుపేట గ్రామంలో ఎలమంచిలి నియోజకవర్గ కాంగ్రెస్‌ పార్టీ కోఆర్డినేషన్‌ సభ్యుడు తనకాల అనంతరావు ఆధ్వర్యంలో నెహ్రూ జయంతి కార్యక్రమాన్ని ఘనంగా చేశారు. నెహ్రూ చిత్రపటానికి కాంగ్రెస్‌ పార్టీ ప్రతినిధి ఎంవిఆర్‌ రాహుల్‌ పూలమాల వసి నివాళులర్పించారు. కాంగ్రెస్‌ పాలనలో చేపట్టిన పలు ప్రాజెక్టుల గురించి ఈ సందర్భంగా గుర్తు చేశారు. ఈ కార్యక్రమంలో కాంగ్రెస్‌ పార్టీ నాయకులు బీసెట్టి పెంటారావు, ఎల్లపు రాము ,శరగడం జోగినాయుడు, శర గడం రాము, శ్రీను, నాగు తదితరులు పాల్గొన్నారు.
వికలాంగులకు బియ్యం పంపిణీ
అచ్యుతాపురం : దేశ తొలి ప్రధాని నెహ్రూ జయంతి సందర్భంగా బుధవారం మండలంలోని గొర్లి ధర్మవరం గ్రామంలో వికలాంగులకు, నిరుపేదలకు వైసీపీ నాయకుడు వెంకటపతి రాజు లోటస్‌ రాజు చేతుల మీదుగా బియ్యం బస్తాలను పంపిణీ చేశారు. పాఠశాలలో చదువుతున్న విద్యార్థులకు పుస్తకాలు, పెన్నులు అందజేశారు. ఈ కార్యక్రమంలో గొర్ల నాగేశ్వరరావు గొర్లె అప్పలరాజు పాల్గొన్నారు.
