ప్రజాశక్తి-కొత్తవలస : గురుదేవ్‌ చారిటబుల్‌ ట్రస్ట్‌ ద్వారా వికలాంగులకు అందిస్తున్న సేవలు అభినందనీయమని కేంద్రమంత్రి నారాయణస్వామి కితాబిచ్చారు. మండలంలోని మంగళపాలెంలో గురుదేవ్‌ ట్రస్టు 25వ వార్షికోత్సవం సందర్భంగా ట్రస్ట్‌ చైర్మన్‌ రాపర్తి జగదీష్‌ కుమార్‌ ఆధ్వర్యంలో ఏర్పాటు చేసిన ఉపకరాలను వికలాంగులకు కేంద్రమంత్రి స్థానిక ఎమ్మెల్యే కడుబండి శ్రీనివాసరావు, ఎమ్మెల్సీ రఘురాజుతో కలిసి పంపిణీ చేశారు. గురుదేవ హాస్పిటల్‌లో ఏర్పాటు చేసిన సెలెబ్రేల్‌ పాలసీ బ్లాక్‌ను అయన ప్రారంభించారు. అంధులకు పింఛన్లు, వృద్ధులకు రేషన్‌, భజన సంఘం సభ్యులకు దుస్తులు, కోలాటం స్టిక్స్‌, చిడతలు పంపిణీ చేశారు. కార్యక్రమంలో మాజీ ఎమ్మెల్యే విష్ణు కుమార్‌ రాజా, మాజీ ఎమ్మెల్సీ పి.మాధవ్‌, గురుదేవ చారిటబుల్‌ ట్రస్ట్‌ వైస్‌ చైర్మన్‌ డాక్టర్‌ ఫణీంద్ర, డాక్టర్‌. అచ్చుతరామయ్య , డాక్టర్‌ రాఘవేంద్ర తదితరులు పాల్గొన్నారు.
