ప్రజాశక్తి- శృంగవరపుకోట : జగనన్న లేఅవుట్‌లో ఇల్లు నిర్మాణాలు పూర్తయిన లబ్ధిదారులను సామూహిక గృహ ప్రవేశాలకు సిద్దం చేయాలని ఎమ్మెల్యే కడుబండి శ్రీనివాసరావు అన్నారు. స్థానిక మండల పరిషత్‌ కార్యాలయంలో హౌసింగ్‌ సిబ్బంది, పంచాయతీ కార్యదర్శులు, విఆర్‌ఒలతో సోమవారం సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ జగనన్న లేఔట్‌లో ఇల్లు నిర్మాణాలు పూర్తయిన లబ్ధిదారుల డేటాను సమగ్రంగా సిద్ధం చేయాలన్నారు. తదుపరి గృహ ప్రవేశాలకు తేదీ ఖరారు చేసిన రోజున లబ్ధిదారు లందరిని గృహ ప్రవేశాల దగ్గరకు తీసుకురావాలన్నారు. మండలంలో మిగిలి ఉన్న అర్హులకు లేఅవుట్‌ ఇళ్ల స్థలాలు ఇచ్చేందుకు అందుకు అవసరమైన స్థల పరిశీలన తహశీల్దార్‌ రెవెన్యూ సిబ్బంది ఏర్పాటు చేయాలని ఆదేశించారు. గడపగడపలో తిరిగినప్పుడు వెయ్యి మందికి పైగా ఇళ్ల స్థలాలు కావాలని తమ నివేదికలు అందాయని వాటిని సచివాలయలలో పంచాయతీ కార్యదర్శులు, విఆర్‌ఒలు ఆన్‌లైన్‌ చేసి అర్హులను గుర్తించాలన్నారు. ఈ సమావేశంలో వైస్‌ ఎంపిపి పినిశెట్టి రమణ, వైసిపి మండల అద్యక్షుడు మోపాడ కుమార్‌, రాష్ట్ర ఫోక్స్‌ డైరెక్టర్‌ వాకాడ రాంబాబు, పోతనపల్లి కూనిరెడ్డి వెంకటరావు, పట్టణ పార్టీ అధ్యక్షుడు రెహ్మాన్‌, ఎంపిటిసి కడారి అప్పయ్య, కడారి జై శంకర్‌, కొట్టం ఎంపిటిసి చప్ప భాస్కర్‌ రావు, వీరనారాయణం సోంబాబు, దారపర్తి సర్పంచ్‌ బి. సన్యాసిరావు, పినగంటి జగదీష్‌ పాల్గొన్నారు
రోడ్డు నిర్మాణానికి ఎమ్మెల్యే శంకుస్థాపన
పట్టణంలోని సచివాలయం-3 పరిధిలోని మునసబు వీధి నుండి 3 చింత చెట్లు వరకు సీసీ రోడ్డు నిర్మాణానికి ఎమ్మెల్యే కడుబండి శ్రీనివాసరావు సోమవారం శంకుస్థాపన చేశారు. ఈ కార్యక్రమంలో వైస్‌ ఎంపిపి పినిశెట్టి వెంకటరమణ, వైసిపి మండల అధ్యక్షుడు మోపాడ కుమార్‌, రాష్ట్ర ఫోక్స్‌ డైరెక్టర్‌ వాకాడ రాంబాబు, పార్వతి, వార్డు మెంబర్లు మజ్జి శేఖర్‌, భారతి, ఈశ్వరి, బొబ్బిలి ఎర్నమ్మ, పొడుగు సంతోష్‌, సరిపల్లి గణేష్‌, ఎంపిటిసి కడారి అప్పయ్య, కడారి జయశంకర్‌, సీతంపేట నాయకులు చింతల నారాయణ మూర్తి, ఈశ్వర అప్పల నాయుడు, చిప్పాడ వెంకటరమణ, వేమలి జగదీష్‌, యలమంచిలి అప్పల సత్యం, యలమంచిలి ఈశ్వరరావు, యలమంచిలి రాంబాబు, నక్కరాజు నాగరాజు, పినగంటి జగదీష్‌, సోషల్‌ మీడియా కన్వీనర్‌ మామిడి బుజ్జి తదితరులు పాల్గొన్నారు.
