ప్రజాశక్తి - చింతలపూడి
గ్రంథాలయాలు విద్యార్థులు తమ జ్ఞానాని పెంచుకోవటానికి ఎంతగానో ఉపయోగపడతాయని చింతలపూడి నగరపంచాయతీ కమిషనర్‌ ఎన్‌.రాంబాబు అన్నారు. పట్టణంలో 56వ గ్రంథాలయ వారోత్సవాల్లో భాగంగా ముగింపు కార్యక్రమాన్ని గ్రంథాలయ ఛైర్మన్‌ మిర్యాల దిలీప్‌ నిర్వహించారు. అనంతరం వారోత్సవాల్లో నిర్వహించిన పోటీల్లో గెలిచిన విద్యార్థులకు బహుమతులు అందజేశారు. ఈ సందర్భంగా రాంబాబు మాట్లాడుతూ విద్యార్థులు గ్రంథాలయాలు అలవాటు చేసుకోవాలని, భవిష్యత్తులో ఉద్యోగాలు సాధించటానికి ఉపయోగపడతాయని అన్నారు. ఈ కార్యక్రమంలో మండల సచివాలయాల కన్వీనర్‌ త్సల్లాబత్తుల శ్రీనివాస్‌, జిల్లా ప్రధాన కార్యదర్శి జ్ఞానరెడ్డి, ముస్లిం పెద్దలు అక్బర్‌, బొల్లేపల్లి ప్రసాద్‌ రాజు, ఉపాధ్యాయులు, లైబ్రేరియన్‌ వర్మ పాల్గొన్నారు.
