Oct 13,2023 22:04

గొర్రిపాటి విగ్రహానికి పూలమాల వేస్తున్న ఎమ్మెల్యే కడుబండి శ్రీనివాసరావు

ప్రజాశక్తి - జామి :  స్వాతంత్ర సమరయోధులు గొర్రిపాటి బుచ్చి అప్పారావు జయంతి సందర్భంగా జామి బజారు రోడ్డు సమీపంలోని విగ్రహానికి శుక్రవారం ఎమ్మెల్యే కడుబండి శ్రీనివాసరావు పూలమాల వేసి నివాళులర్పించారు. ఆయన వెంట కొప్పల వెలమ కార్పొరేషన్‌ చైర్మన్‌ నెక్కల నాయుడ బాబు, రిటైర్డ్‌ ఎపిపి జానకి రామయ్య, తదితరులున్నారు. అనంతరం టిడిపి నాయకులు బండారు పెద్దబాబు, వర్రి రమణ, కొత్తలి రాధాకృష్ణ, ప్రముఖ న్యాయవాది బసర్ల రమణారావు నివాళులర్పించారు. ఆలమండలో టిడిపి మండల అధ్యక్షులు లగుడు రవికుమార్‌ ఆధ్వర్యంలో గొర్రిపాటి జయంతిని నిర్వహించారు. విజినిగిరిలో సర్పంచ్‌ కిలారి సూర్యారావు ఆధ్వర్యాన నాయకులు యడ్ల గోవింద్‌, కళ్ళెంపూడి రామునాయుడు అంజలి ఘటించారు. కార్యక్రమాల్లో వైసిపి మండల అధ్యక్షులు గొర్లె రవి కుమార్‌, ఎంపిపి సబ్బవరపు అరుణ, జెడ్‌పిటిసి జి.సరయు, డిసిసిబి డైరెక్టర్‌ పాండ్రంకి సంజీవి, జిల్లా ప్రచార కమిటి చైర్మన్‌ గుడివాడ రాజేశ్వరరావు, బ్యూటిఫికేషన్‌ డైరెక్టర్‌ సత్యారావు పాల్గొన్నారు.