ప్రజాశక్తి- శృంగవరపుకోట, విజయనగరం : గంజాయి రవాణా నిర్మూలనకు కఠిన చర్యలు తీసుకుంటామని విశాఖ రేంజ్‌ డిఐజి హరికృష్ణ తెలిపారు. మంగళవారం శృంగవరపుకోట పోలీస్‌ స్టేషన్‌ను, విజయనగరంలో ట్రాఫిక్‌ స్టేషన్‌ను పరిశీలించారు. ఎస్‌.కోటలో విలేకర్లతో మాట్లాడారు. బొడ్డవర చెక్‌ పోస్ట్‌ కు సమీపంలో చిలకల గడ్డ వద్ద ఒక గుర్తింపు లేని రహదారి గుండా గంజాయి రవాణా సాగుతుందని విలేకర్లు చెప్పగా సిఐ బాల సూర్యరావుని వివరాలు అడిగి తెలుసుకుని అక్కడ కూడా భద్రత ఏర్పాటు చేయాలని తెలిపారు. పట్టణంలో ఆకతాయిల ఈవ్‌ టీజింగ్‌, బైక్‌ రేసింగ్‌, అర్ధరాత్రి 12గంటల వరకు యువత రోడ్లపై తిరగడం వంటి అంశాలపై ప్రశ్నించగా వెంటనే వెంటనే తగు చర్యలు తీసుకోవాలని సిఐని ఆదేశించారు కార్యక్రమంలో ఎస్‌ కోట, ఎల్‌ కోట, జామి, వేపాడ పోలీస్‌ స్టేషన్ల ఎస్‌ఐలుపాల్గొన్నారు.
విజయనగరంలో డిఐజి మాట్లాడుతూ ట్రాఫిక్‌ ఇబ్బందులు తలెత్తకుండాచూడాలని, ఓవరు లోడు వాహనాలపై చర్యలు తీసుకోవాలని అధికారులకు సూచించారు.ట్రాఫిక్‌ సిగల్స్‌ ఏర్పాటుకు ప్రతిపాదనలు పంపాలన్నారు. సిడిఫైల్‌స పనితీరును, స్టేషన్‌ ప్రాంగణాన్నిపరిశీలించారు. ఎఎస్‌పి అస్మాఫర్హీన్‌, డిఎస్‌పి విశ్వనాధ్‌, ఎస్‌ఐలు పాల్గొన్నారు.
