ప్రజాశక్తి - జామి : అందిన సంక్షేమ పధకాలపై ఆరా.. గ్రామాల్లో సమస్యల గుర్తించి, తదుపరి సమస్యల పరిష్కారంపై దష్టి పెట్టడంతో పాటు వాటిని పరిష్కరించడం వంటి నాలుగు అంశాలు గడపగడపకు మన ప్రభుత్వం కార్యక్రమంలోని కీలకమని ఎమ్మెల్యే కడుబండి శ్రీనివాసరావు అన్నారు. శనివారం మండలంలోని విజినిగిరి సచివాలయ పరిధిలో తానవరం గ్రామంలో ఎమ్మెల్యే కడుబండి శ్రీనివాసరావు 278వ రోజు గడప గడపకు మన ప్రభుత్వం కార్యక్రమాన్ని నిర్వహించారు. ఈ సందర్భంగా ఎమ్మెల్యే మాట్లాడుతూ గ్రామ సచివాలయ వ్యవస్థ దానికి అనుసంధానంగా వాలంటీర్ల వ్యవస్థ ప్రభుత్వ పాలనను ప్రజల చెంతకు చేర్చాయన్నారు. ఏ గడపను తొక్కినా ముఖ్యమంత్రి పట్ల వారి కతజ్ఞతాభావం కళ్ళల్లో స్పష్టంగా కనిపిస్తోందని అన్నారు. ఈ ప్రభుత్వం పదికాలాలపాటు సుపరిపాలనతో సాగడం ఖాయమన్నారు. కార్యక్రమంలో జెడ్‌పిటిసి గొర్లె సరయు, వైసిపి మండల కన్వీనర్‌ గొర్లె రవికుమార్‌, జెసిఎస్‌ మండల ఇన్‌ఛార్జి శీరెడ్డి చంద్రునాయుడు, మాజీ వైస్‌ ఎంపిపి సిరికి నారాయణరావు, విజినిగిరి సర్పంచ్‌ కీలారి సూర్యారావు, ఎంపిటిసి సిరికి నాగేశ్వరరావు, గొర్లె అప్పలనాయుడు, జాగరం ఎంపిటిసి నరసింహనాయుడు, , జెసిఎస్‌ కన్వీనర్‌ అల్లు వెంకటరావు, ఎర్ర సత్యం, కసిరెడ్డి నారాయణరావు, బి.అప్పలరాజు పాల్గొన్నారు.
