నిబంధనలకు విరుద్ధంగా దసరా సెలవులు సరికాదు

• పర్యవసానాలను హెచ్ ఎం లదే బాధ్యత
• ఫ్యాఫ్టో జిల్లా కమిటీ

ప్రజాశక్తి-విజయనగరం టౌన్ : పాఠశాలల్లో- నిబంధనలకు విరుద్ధంగా దసరా సెలవుల్లో ప్రత్యేక తరగతులు నిర్వహించడం సరికాదు,పర్యవసానాలకు ఆయా ప్రధానోపాధ్యాయులు బాధ్యత వహించాల్సి ఉంటుందని ఉపాధ్యాయ సంఘాల ఐక్యవేదిక నాయకులు హెచ్చరించారు శనివారం స్థానిక విజయనగరం ఏ.పి.టిఎఫ్ 257 కార్యాలయంలో డి.శ్యామ్ అధ్యక్షతన ప్రత్యేక సమావేశం నిర్వహించడం జరిగింది. ఈ సమావేశంలో నాయకులు మాట్లాడుతూ రాష్ట్ర విద్యాశాఖ గాని,జిల్లా విద్యాశాఖ నుండి కానీ ఎటువంటి ఆదేశాలు లేనప్పటికీ కొందరు ప్రధానోపాధ్యాయులు దసరా సెలవుల్లో విద్యార్థులకు ప్రత్యేక తరగతులు నిర్వహిస్తున్నట్లు దృష్టికి రావడం జరిగిందన్నారు. దసరా సెలవుల్లో నిబంధనలకు విరుద్ధంగా పాఠశాలలో ప్రత్యేకత నిర్వహించడం సరికాదని, తక్షణమే అవి నిలుపుదల చేయాలని డిమాండ్ చేశారు.నిలుపుదల చేయని పక్షంలో బాలల హక్కుల కమిషన్ దృష్టికి తీసుకువెళ్లడం జరుగుతుంది, ఈ విషయంలో సంబంధిత ప్రధాన ఉపాధ్యాయులు బాధ్యత వహించాల్సి ఉంటుందని హెచ్చరించారు. ఈ సమావేశంలో ఎపిటిఎఫ్ 257 నాయకులు షేక్.భుకారిబాబు, పి.శ్రీనివాసరావు,ఎస్టీ యు నాయకులు వై.అప్పారావు, డి.శ్యామ్, అప్టా నాయకులు రమణ పాల్గొన్నారు.