అమెరికా : అమెరికా మాజీ అధ్యక్షుడు డొనాల్డ్‌ ట్రంప్‌ అరెస్టయ్యారు. 2020 నాటి అమెరికా అధ్యక్ష ఎన్నికలకు సంబంధించి ఫలితాల్లో ... జోక్యం, కుట్ర, తదితర కేసులు ట్రంప్‌పై నమోదైన నేపథ్యంలో ... జార్జియా జైలు వద్ద పోలీసుల ఎదుట ట్రంప్‌ లొంగిపోయారు. స్వయంగా ఫుల్టన్‌ కౌంటీ జైలుకు వెళ్లి ట్రంప్‌ లొంగిపోయారు. రెండు లక్షల డాలర్ల విలువైన బాండ్‌ను సమర్పించి బెయిల్‌ తీసుకొనేందుకు అట్లాంటా ఫుల్టన్‌ కౌంటీ డిస్ట్రిక్ట్‌ అటార్ని ఫాని విల్లీస్‌ అనుమతించారు. దీంతో ఆ ప్రక్రియను పూర్తి చేసేందుకు ట్రంప్‌ జైలుకు వెళ్లారు. ట్రంప్‌ జైలులో 20 నిమిషాలు గడిపారు. ఖైదీగా ట్రంప్‌ మగ్‌ షాట్స్‌ ను అధికారులు తీసుకున్నారు. అనంతరం బెయిల్‌ పై ట్రంప్‌ బయటకొచ్చారు. ట్రంప్‌పై నమోదైన నాలుగు క్రిమినల్‌ కేసుల్లో ఇదొకటి. అమెరికా అధ్యక్ష ఎన్నికలకు సంబంధించి ఫలితాల్లో జోక్యం, కుట్ర వంటి కేసుల్లో ఆరోపణలు ఎదుర్కొంటున్న వ్యక్తులు తమంతట తాముగా పోలీసులు ఎదుట లొంగిపోయినా ఆ దేశంలో దాన్ని అరెస్ట్‌ కిందే పరిగణిస్తారు.
