ప్రజాశక్తి-పరవాడ
పరవాడ ఎన్‌టిపిసి సింహాద్రి విద్యుత్‌ ఉత్పత్తి కేంద్రానికి గోవాలో జరిగిన అపెక్స్‌ ఇండియా-గ్రీన్‌ లీఫ్‌ అవార్డు వేడుకల్లో ఎన్విరాన్‌మెంటల్‌ ఎక్సలెన్స్‌ కేటగిరీ కింద ప్లాటినం అవార్డు లభించింది. ఎన్‌టిపిసి సింహాద్రి పర్యావరణ రంగంలో చేస్తున్న కృషికి లభించిన ఈ అవార్డును సింహద్రి గ్రూప్‌ జనరల్‌ మేనేజర్‌ సంజరు కుమార్‌ సిన్హా, ఎజిఎమ్‌ డాక్టర్‌ విజయన్‌ షీల్డ్‌, సర్టిఫికెట్‌ ఆఫ్‌ రికగ్నిషన్‌ను మంగళవారం అందుకున్నారు. ఎన్టీపిసి అత్యాధునిక సాంకేతిక పరిజ్ఞానాన్ని అవలంభించడం ద్వారా చట్టబద్ధమైన సంస్థల ఆదేశాలను పాటించడం ద్వారా పర్యావరణ పరిరక్షణకు ఎల్లప్పుడూ కట్టుబడి ఉంటుందని సంస్థ అధికారులు తెలిపారు. ఎన్టీపీసీ సింహాద్రి ఫ్లై యాష్‌ వినియోగం యొక్క అపారమైన సామర్థ్యాన్ని ప్రదర్శించేందుకు మొట్టమొదటిసారిగా నానో కాంక్రీట్‌ అగ్రిగేట్‌ భవనాన్ని అభివృద్ధి చేసిందని వెల్లడించారు. సింహాద్రి గత 6 సంవత్సరాలుగా 100 శాతం కంటే ఎక్కువ బూడిద వినియోగాన్ని సాధిస్తోందని, ఎఫ్‌వై 2022-23లో, 50వేలు మెట్రిక్‌ ఫోన్లు ఫ్లై యాష్‌ దక్షిణాఫ్రికాకు ఎగుమతి చేయబడిందని తెలిపారు. సింహాద్రి 2022-23 ఆర్థిక సంవత్సరంలో 479.67 ఎమ్‌పి బయోమాస్‌ను ప్లాంట్‌, టౌన్‌షిప్‌ హార్టికల్చరల్‌ వ్యర్థాల నుండి 5.4 ఎమ్‌టి ఇంట్లో ఉత్పత్తి చేసిన గుళికలతో సహ-ఫైర్‌ చేసిందని వెల్లడించారు. దాదాపు 13.8 లక్షల చెట్లను నాటడం ద్వారా 90 శాతం కంటే ఎక్కువ మనుగడ సాధించారని తెలిపారు.
