ఎన్నికలపై విద్యార్థులకు అవగాహన
ప్రజాశక్తి-కందుకూరు :కందుకూరు టిఆర్‌ఆర్‌ ప్రభుత్వ డిగ్రీ కళాశాలలో పొలిటికల్‌ సైన్స్‌ , ఐక్యూఏసి ఆధ్వర్యంలో ఓటర్ల విద్య , ఎన్నికల భాగస్వామ్యం అనే అంశంపై ఓటర్లకు అవగాహన సదస్సును సోమవారం నిర్వహించారు. ఈ కార్యక్రమానికి సబ్‌ కలెక్టర్‌ కార్యాలయం నుంచి డిప్యూటీ తహశీల్దార్‌ శాంసన్‌ , రెవెన్యూ ఇన్స్పెక్టర్‌ ప్రసాద్‌ హాజరై విద్యార్థులకు ఓటరుగా నమోదు కావడానికి కావాల్సిన అర్హతలు, ఓటరు నమోదు ప్రక్రియ వంటి అంశాలపై పూర్తిస్థాయి అవగాహన కల్పించారు. ఈ కార్యక్రమంలో ఐక్యూఎసి కో-ఆర్డినేటర్‌, డా. పి రాజగోపాల్‌ బాబు మాట్లాడారు. ప్రజా ప్రతినిధులు ఎన్నుకునేటప్పుడు పౌరులు చైతన్యవంతంగా వ్యవహరిస్తూ ఓటు హక్కుని వినియోగించుకోవాల్సిందిగా విద్యార్థులకు పిలుపునిచ్చారు. వైస్‌- ప్రిన్సిపాల్‌ డాక్టర్‌ ఏడుకొండలు నరేంద్ర, అధ్యాపక అధ్యాపకేతర సిబ్బంది ఉన్నారు.
