ప్రజాశక్తి-అనంతపురం కార్పొరేషన్ : నగరంలోని 14వ డివిజన్ పరిధిలోని అమీన్ హోటల్ సమీపంలో రూ.27 లక్షల వ్యయంతో చేపడుతున్న సీసీ డ్రైనేజీ పనులను శుక్రవారం మేయర్ మహమ్మద్ వసీం డిప్యూటీ మేయర్లు వాసంతి , జి విజయ భాస్కర్ రెడ్డిలతో కలసి ప్రారంభించారు. ఈ సందర్భంగా మేయర్ వసీం మాట్లాడుతూ గడప గడపకు మన ప్రభుత్వ కార్యక్రమంలో ప్రజలు మా దృష్టికి తీసుకు వచ్చిన సమస్యల పరిష్కారానికి అధిక ప్రాధాన్యత ఇస్తున్నామన్నారు. ప్రజలకు ఇబ్బందులు తలెత్తకుండా తరితగతిన నాణ్యతతో పనులను పూర్తిచేయాలని కాంట్రాక్టర్ కు సూచించారు. ఈ కార్యక్రమంలో కార్యక్రమంలో కార్పొరేటర్లు అభూసాలేహా, కమల్ భూషణ్, ఈఈ సూర్యనారాయణ, డిఈ సుబాష్, ఏఈ బాబావలి తదితరులు పాల్గొన్నారు.
