ప్రజాశక్తి - కొత్తవలస : మహాత్మా గాంధీ జాతీయ గ్రామీణ ఉపాధి హామీ పథకంలో భాగంగా గ్రామాల్లో నిర్వహిస్తున్న వివిధ అభివృద్ధి పనుల్లో లోపాలను పరిశీలన చేసేందు కు, వాటిని గుర్తించేందుకు డ్రోన్‌ మానటిరింగ్‌ సిస్టమ్‌ (డిఎంఎస్‌)ను ప్రభుత్వం ప్రవేశపెడుతుందని ఎన్‌ఆర్‌ఈ జిఎస్‌ అంబుడ్స్‌ పర్సన్‌ అన్నపూర్ణ శత్పతీ స్పష్టం చేశారు. స్థానిక మండల పరిషత్‌ కార్యాలయంలో మండలంలోని 25 గ్రామ పంచాయితీల్లో 2022-23 ఆర్ధిక సంవ త్సరంలో రూ.21 కోట్లతో చేపట్టిన అభివృద్ధి పనులపై డ్వామా ఎపిడి జనార్ధనరావు, డివిఒ రవీంద్ర ఆధ్వర్యంలో సోమవారం నిర్వహించిన సామాజిక తనికీ ప్రజావేదిక కార్యక్రమంలో ఆమె పాల్గొని మాట్లాడారు. డ్రోన్‌ మానటిరింగ్‌ సిస్టమ్‌ ద్వారా అభివృద్ధి పనుల్లోని నాణ్యత, అవతవకలు, దుర్వినియోగం వంటి అంశాలు సునాయా సంగా తెలుసుకోవచ్చాన్నారు. క్షేత్రస్థాయిలో పనిచేస్తున్న సిబ్బంది సోషల్‌ ఆడిట్‌ను సీరియస్‌ తీసుకుని పనిచే యాలని, ప్రజాధనం ప్రతీ ఒక్క రూపాయికీ బాధ్యత వహించాలని సూచించారు. 25 పంచాయితీల్లో గతనెల 30 నుంచి 8మంది డిఆర్‌పిలు నిర్వహించిన సామాజిక తనికీపై సభలో చర్చించారు. వేతనాదారుల చెల్లింపులు, బిల్లుల మంజూరు తదితర అంశాలను పరిశీలించి ఉపాధిహామీ సిబ్బందికి పలు సూచనలు చేశారు. కార్యక్ర మంలో ఎంపిపి నీలంశెట్టి గోపమ్మ, జెడ్‌పిటిసి నెక్కల శ్రీదేవి, సర్పంచులు విరోతి కొండలరావు, కోన దేముడు, ఎన్‌ఆర్‌ఈజిఎస్‌ అంబుడ్స్‌ పర్సన్‌ కె. సన్యాసిరాజు, ఎంపిడిఒ వై.పద్మజ, ఎస్‌ఆర్‌పి ఎస్‌. అచ్యుతరావు, ఎపిఒలు వై. జనార్ధన్‌, విజయలక్ష్మి, ఈసీలు వరలక్ష్మి, కేశవ, టీఏలు జగన్‌, ఎర్నిబాబు, ఇందు, ఎర్నమ్మ, వివిధ గ్రామాల ఫీల్డ్‌ అసిస్టెంట్లు పాల్గొన్నారు.
