తెలుసుకో ఓ చిట్టితల్లి
మసలుకో ఓ చిన్నితల్లి..!!
చేతులేమో రెండే అయిన
వాటి చేతలేమో చెప్పలేనన్ని ..!!
అమ్మ చేతి స్పర్శ
నీకు ఆయువునిచ్చునే..!!
నాన్న చేతి స్పర్శ
నీలో ధైర్యాన్ని పెంచునే..!!
పాపిష్ఠి చేతులుంటాయమ్మ
పాపాలెన్నో చేస్తుంటాయమ్మ..!!
మాయ మాటలతో చేరదీస్తారమ్మ
చెత్త పనులెన్నో చేస్తుంటారమ్మా..!!
జాగ్రత్త ఓ చిట్టితల్లి
జర జాగ్రత్త ఓ చిన్నితల్లి.. !!
వేయి కళ్ళు నీ తనువు తాకేనమ్మ
వేయి వోల్టుల విద్యుత్తువై బదులియ్యవమ్మా..!!
ఏ పాడు చేయి పడనివ్వకమ్మ
పడితే.. గట్టిగా అరిచేయవమ్మ..!!
భయమన్నదే నీ దరి చేరనీయకమ్మ
ఎదురుతిరిగే ధీశాలి నువ్వేనమ్మ...!!
కంది సత్యనారాయణ మూర్తి
90302 77529
