భ్రమలో బతుకొద్దు

అన్ని వర్షాలకు
ఆకాశంలోని
నీటిబొట్లు మాత్రమే
నేటల రాలుతాయి....
కొన్ని వర్షాలు మాత్రం
కోట్ల రూపాయలను
కానుకలుగా పంచేస్తాయి....
ఈ వర్షాలకి
ఉరుములు మెరుపులు ఉండవు
మేకపోతు గాంభీర్యాలు మాత్రమే ఉంటాయి...
ఇక్కడ
మేఘాలు గర్జించవు
మేకవన్నె పులులు
మాత్రమే గర్జిస్తాయి...
ఇక్కడ ..
చల్లని తిమిర గాలి వీయదు
బూతు పురాణాలే
బలంగా వీస్తుంటాయి....
మనం తలవాల్సింది
అర్జున ఫల్గుణ కాదు
కష్టాలను కడతేర్చే
నాయకుని నామధేయాన్ని
ఇది కలికాలం
ఇక్కడ ఇకపై కురిసేటివి
అన్నీ అకాల వర్షాలే...
వాగ్దానాల వాన జల్లులో
నిత్యం తానంబోసుకుంటూ
ఆశల పడవలేసుకొని
బతుకు నావను
తీరం జేర్చుటకే
భ్రమలో బతికేయెద్దు
అబద్ధాలను అగ్గిలా గాల్చి
నిజంవైపు నిలబడాలి
 

ఉప్పరి తిరుమలేష్‌
96189 61384