ప్రజాశక్తి-విజయనగరం కోట : నేడు జరిగింది చంద్రబాబు నాయుడు కాదని, రాష్ట్ర అభివృద్ధిని అరెస్టు చేశారని టిడిపి సీనియర్‌ నాయకులు, వాజీ ఛానల్‌ ఎమ్‌డి గణపతినీడి శ్రీనివాసరావు అన్నారు. మంగవారం సాయంత్రం తన నివాసం వద్ద చంద్రబాబు అరెస్ట్‌కు నిరసనగా సహస్ర దీపార్చన కార్యక్రమం ఏర్పాటు చేశారు. ఈ సందర్భంగా ఆయన మాట్లాడుతూ ఈ సహస్ర దీపాలంకరణ చంద్రబాబు జైల్లో నుంచి ఆయూరారోగ్యాలతో, ఎటువంటి ఆరోపణలు లేకుండా బయటకు రావాలని కోరుతూ చేపట్టినట్లు తెలిపారు. రాష్ట్రాన్ని అన్ని విధాలా అభివృద్ధి చేసిన చంద్రబాబును జైలులో పెట్టి పైసాచిక ఆనందం పొందుతున్నారని అన్నారు. అభివద్ధి చేసిన నాయకులు జైల్లో ఉంటున్నారని, అవినీతి, అక్రమాలు చేసిన నాయకులు బయట తిరుగుతున్నారని మండిపడ్డారు. కార్యక్రమంలో కుటుంబ రావు, విజయనగరం న్యాయం విభాగం అధ్యక్షుడు రవిశంకర్‌, పట్టణ మహిళా అధ్యక్షురాలు కె.రాజ్యలక్ష్మి, కార్పొరేటర్‌ కె.రాధామణి తదితరులు పాల్గొన్నారు.
రామభద్రపురం : టిడిపి రాష్ట్ర కార్యనిర్వాహక కార్యదర్శి చింతల రామకృష్ణ ఆధ్వర్యంలో స్థానిక చొక్కాపువాని చెరువులో అర్ధనగంగా జలదీక్ష చేపట్టారు. కార్యక్రమంలో టిడిపి మండల అధ్యక్షులు కరణం విజయ భాస్కరరావు, చిన్నమ్మ తల్లి, పూడి రామినాయుడు పాల్గొన్నారు.
