ప్రజాశక్తి - బొబ్బిలిరూరల్‌ : ప్రతి ఒక్కరి ఆరోగ్యమే ప్రభుత్వ లక్ష్యమని ఎంపిపి శంబంగి లక్ష్మీ అన్నారు. సోమవారం దిబ్బ గుడ్డి వలస గ్రామంలో జగనన్న ఆరోగ్య రక్ష కార్యక్రమంలో పాల్గొని ఆమె రోగులతో మాట్లాడారు ఈ కార్యక్రమంలో వైసిపి నాయకులు శంబంగి వేణు గోపాల్‌ నాయుడు, జెడ్‌పిటిసి యస్‌.శాంత కుమారి, వైద్యులు తదితరులు పాల్గొన్నారు.
శృంగవరపుకోట: మండలంలోని తిమిడి సచివాలయ పరిధిలో సోమవారం నిర్వహించిన జగనన్న ఆరోగ్య సురక్ష క్యాంపును ఎమ్మెల్యే కడుబండి శ్రీనివాసరావు సందర్శించారు. ఈ సందర్భంగా వైద్యులతో మాట్లాడి ప్రజలకు అందిస్తున్న వైద్య సేవలు, వైద్య పరీక్షలపై ఆరా తీశారు. అక్కడున్న కొంతమందిని కలిసి ఆరోగ్య సురక్ష ద్వారా ఏర్పాటు చేస్తున్న రక్త పరీక్షలు గురించి వాళ్ళకి వివరించి చెప్పారు. అనంతరం ఐసిడిఎస్‌ ఆద్వర్యంలో తిమిడి అంగన్వాడీ సిబ్బంది ఏర్పాటు చేసిన పౌష్టికాహార స్టాల్‌ని పరిశీలించారు. ఈ కార్యక్రమంలో నియోజక వర్గం స్టేట్‌ డైరెక్టర్‌ వాకాడ రాంబాబు, వైస్‌ ఎంపిపిలు పినిశెట్టి వెంకటరమణ, స్థానిక సర్పంచ్‌ త్రినాధమ్మ, తిమిడి వెంకటరావు, వసి సర్పంచ్‌ ఒబ్బిన పార్వతి, ఎంపిటిసి పడాల ధర్మారావు, మండలంలో ఉన్న సర్పంచులు, ఎంపిటిసిలు పాల్గొన్నారు.
డెంకాడ: రాష్ట్రాన్ని ఆరోగ్య ఆంధ్రప్రదేశ్‌గా నిలిపిన ఘనత ముఖ్యమంత్రి వైయస్‌ జగన్మోహన్‌ రెడ్డిదేనని ఎమ్మెల్యే బడ్డుకొండ అప్పలనాయుడు అన్నారు. జగన్నన ఆరోగ్య సురక్ష కార్యక్రమంలో భాగంగా మండలంలోని జొన్నాడలో నిర్వహించిన శిబిరంలో ఆయన పాల్గొని మట్లాడారు. ప్రతి ఒక్కరూ గ్రామంలోకి వచ్చి వైద్యం అందిస్తున్న ఈ శిబిరాలను సద్వినియోగం చేసుకోవాలన్నారు. ఈ కార్యక్రమంలో ఎంపిపి బంటుపల్లి వెంకటవాసుదేవరావు, వైస్‌ ఎంపిపి పిన్నింటి తమ్మి నాయుడు, ఎంపిడిఒ డిడి స్వరూప రాణి, సర్పంచ్‌లు కోరాడ రమణి, కోటి నాయుడు, రమేష్‌, ఎంపిటిసి త్రిపుర గిరి దేవి, మోపాడ, డెంకాడ పిహెచ్‌సి వైద్యాధికారులు తదితరులు పాల్గొన్నారు.
వేపాడ: మండలంలోని నీలకంఠరాజుపురం సచివాలయ పరిధిలో సర్పంచ్‌ గొటివాడ దేవి, బోజింకి.రామనాయుడు ఆధ్వర్యంలో ఏర్పాటు చేసిన జగనన్న ఆరోగ్య సురక్ష వైద్య శిబిరాన్ని ఎమ్మెల్సీ ఇందుకూరి రఘురాజు, డిసిసిబి చైర్మన్‌ వివి చిన్నరామనాయుడు, ఎంపిపి డి. సత్యవంతుడు సోమవారం పరిశీలించారు. ఈ సందర్భంగా వారు మాట్లాడుతూ ప్రతి ఒక్కరూ ఈ శిబిరాన్ని వినియోగించుకోవాలన్నారు. ఐసిడిఎస్‌ ఆద్వర్యంలో అంగన్వాడీ సిబ్బంది ఏర్పాటు చేసిన పౌష్టికాహార స్టాల్‌ని పరిశీలించారు. ఈ కార్యక్రమంలో మార్కెటింగ్‌ కమిటీ చైర్మన్‌ మూకల కస్తూరి, జెడ్‌పిటిసి సేనాపతి అప్పలనాయుడు, తహశీల్దార్‌ ప్రసన్నకుమార్‌, డాక్టర్లు రాజు, సిహెచ్‌ఒ ఆంజనేయులు, మండల అధ్యక్షుడు మమ్ములూరు జగన్నాథం, వైస్‌ ఎంపిపి అడపా ఈశ్వరరావు, జెసిఎస్‌ మండల కన్వీనర్‌ బోజింకి శ్రీను, సర్పంచుల సంఘం అధ్యక్షుడ నిరుజోగి వెంకట్రావు, వైద్య, సచివాలయ, ఐసిడిసి సిబ్బంది, గ్రామ వాలంటీర్లు తదితరులు పాల్గొన్నారు. ఎన్‌కెఆర్‌పురం గ్రామంలో నిర్వహించిన జగనన్న ఆరోగ్య శిబిరంలో 456 మంది వైద్య సేవలు పొందినట్లు డాక్టర్‌ కే రాజు, సింహాద్రి నాయుడు, పల్లవి, చాణుక్య తెలిపారు.
బొండపల్లి: ప్రభుత్వం అమలు చేస్తున్న జగనన్న ఆరోగ్య సురక్షా కార్యక్రమం పేదలకు వరం అని ఎంపిపి చల్ల చలంనాయుడు అన్నారు. సోమవారం మండలంలోని బొండపల్లి సచివాలయం-2నకు సంబంధించి బొండపల్లిలో ఎంపిడిఒ వైవి రాజేంద్ర ప్రసాద్‌ రావు ఆద్వర్యంలో జగనన్న ఆరోగ్య సురక్షా కార్యక్రమం నిర్వహించారు. ఈ కార్యక్రమంలో వైసిపి మండల అద్యక్షులు బొద్దల చిన్నం నాయుడు, ఎంఇఒ-2 అల్లు వెంకట రమణ, గృహ నిర్మాణ శాఖ ఎఇ బివి రమణ రాజు, వైస్‌ఎంపిపి గొండెల ఈశ్వరరావు, సర్పంచ్‌ బొండపల్లి ఈశ్వరరావు, ఉప సర్పంచ్‌ కోల వెంకటరమణ, వైద్యాధికారులు, అంగన్వాడీ సిబ్బంది తదితరులు పాల్గొన్నారు.
భోగాపురం: మండలంలోని రాజాపులోవ సచివాలయం పరిధిలో జగనన్న ఆరోగ్య సురక్ష కార్యక్రమం సోమవారం జరిగింది. ఈ కార్యక్రమంలో ఎమ్మెల్యే బడ్డుకొండ అప్పలనాయుడు పాల్గొని అక్కడకు వచ్చిన వారికి వైద్య సిబ్బంది అందిస్తున్న సేవలను పరిశీలించారు. గ్రామ సర్పంచ్‌ కిలారి స్వప్న ఆధ్వర్యంలో నిర్వహించిన ఈ కార్యక్రమంలో వైసిపి మండల అధ్యక్షులు ఉప్పాడ సూర్యనారాయణరెడ్డి, ఎంపిడిఒ ఎన్‌. అప్పలనాయుడు, తహశీల్దారు చింతాడ బంగార్రాజు, వైద్యాధికారి తిరుపతిస్వామి, నాయకులు కిలారి వెంకటరమణ తదితరులు పాల్గొన్నారు.
