ప్రజాశక్తి - పూసపాటిరేగ : ఆరోగ్య సురక్ష కార్యక్రమం ద్వారా రాష్ట్రవ్యాప్తంగా వైద్య శిబిరాలు నిర్వహించి.. కొన్ని లక్షల మందికి ఉచిత వైద్య సేవలను ముఖ్యమంత్రి జగన్మోహన్‌ రెడ్డి అందిస్తున్నారని ఎంపిపి మహంతి కళ్యాణి అన్నారు. కుమిలి-2 సచివాలయం పరిధిలో ఉప సర్పంచ్‌ గుజ్జు సురేష్‌ రెడ్డి ఆధ్వర్యంలో నిర్వహించిన ఆరోగ్య సురక్ష కార్యక్రమంలో ఆమె పాల్గొన్నారు. ఈ సందర్భంగా ఆమె మాట్లాడుతూ వైద్య శిబిరాల్లో ఉచిత వైద్య పరీక్షలు, వందల రకాల మందులను అందుబాటులో ఉంచడంతో పాటు, వృద్ధులకు కంటి పరీక్షలు, కళ్లద్దాలు, హెల్త్‌ ప్రొఫైల్‌ మ్యాపింగ్‌ చేపడుతున్నారని అన్నారు. ఇదిలా ఉండగా కొప్పెర్ల గ్రామ సచివాలయంలో ఏర్పాటు చేసిన వైద్య శిబిరానికి 400 మందికి వివిధ రకాల పరీక్షలు చేసి ఉచితంగా మందులు అందజేసారు. 25 మందికి కంటి పరీక్షలు చేసి వారికి కళ్లద్దాలు పంపిణీ చేసారు. పైలేరియా వ్యాధిగ్రస్తులకు ఉచిత కిట్లను అందజేశారు.
