ప్రజాశక్తి-శృంగవరపుకోట : ప్రజారోగ్య సంరక్షణే లక్ష్యంగా జగనన్న ఆరోగ్య సురక్ష కార్యక్రమాన్ని ఏర్పాటు చేసినట్లు ఎమ్మెల్యే కడుబండి శ్రీనివాసరావు తెలిపారు. గురువారం శృంగవరపుకోట పంచాయతీ పరిధిలోని సీతంపేటలో ఏర్పాటు చేసిన జగనన్న ఆరోగ్య సురక్ష శిబిరాన్ని గురువారం ఎమ్మెల్యే, ఎమ్మెల్సీ ఇందుకూరి రఘురాజు వేర్వేరుగా సందర్శించారు. అందుబాటులో ఉన్న వైద్య పరీక్షలు, మందుల గురించి వైద్య సిబ్బందితో మాట్లాడి తెలుసుకున్నారు. ఏడాది క్రితం విద్యుదాఘాతంతో మరణించిన కొర్రయి హేమంత్‌ తల్లి లక్ష్మికి సిఎం రిలీఫ్‌ ఫండ్‌ ద్వారా ఎమ్మెల్యే రూ.లక్షను అందజేశారు. కార్యక్రమంలో రాష్ట్ర ఫోక్స్‌ డైరెక్టర్‌ వాకాడ రాంబాబు, ఉపసర్పంచ్‌ మోపాడ కుమార్‌, వైసిపి పట్టణ అధ్యక్షులు షేక్‌ రెహమాన్‌, పోతనపల్లి సర్పంచ్‌ కూనిరెడ్డి వెంకట్రావు, తలారి సర్పంచ్‌ అనంత, సీతంపేట ఎంపిటిసి సరిత నాగలక్ష్మి, నాయకులు చింతల నారాయణమూర్తి, చిప్పాడ వెంకటరమణ స్వామి, ఎంపిడిఒ శేషుబాబు, తహశీల్దార్‌ శ్రీనివాస్‌, ఇఒ కన్నబాబు పాల్గొన్నారు.
కొత్తవలస : మండలంలోని దెందేరు జిల్లా ప్రజాపరిషత్‌ ఉన్నత పాఠశాల ఆవరణలో ఏర్పాటుచేసిన జగనన్న ఆరోగ్య సురక్ష శిబిరాన్ని ఎమ్మెల్సీ ఇందుకూరి రఘురాజు సందర్శించారు. ఈ సందర్భంగా రోగులతో మాట్లాడి, వారి సమస్యలు తెలుసుకున్నారు. కళ్లద్దాలు, మందులు పంపిణీ చేశారు. ఈ కార్యక్రమంలో కొప్పలవెలమ కార్పొరేషన్‌ చైర్మన్‌ నెక్కల నాయుడుబాబు, ఎంపిపి నీలంశెట్టి గోపమ్మ, మాజీ ఎంపిపి గొరపల్లి శివ, దెందేరు సర్పంచ్‌ రమణ, వైస్‌ సర్పంచ్‌ ముసలినాయుడు, సంతపాలెం సర్పంచ్‌ చాముండేశ్వరి, ఎంపిటిసి వెలగల రమణ, సర్పంచులు వి.వెంకటరమణ, ఈశ్వరరావు, నాయకులు మేలాస్త్రి అప్పారావు, మాజీ సర్పంచ్‌ దారపు చిన్నయ్య, సచివాలయ కన్వీనర్‌ శ్రీను పాల్గొన్నారు.
తెర్లాం : మండలంలోని సుందరాడలో సర్పంచ్‌ దిలీప్‌ కుమార్‌ ఆధ్వర్యంలో జగనన్న ఆరోగ్య సురక్ష కార్యక్రమాన్ని నిర్వహించారు. కార్యక్రమంలో తహశీల్దార్‌ రత్నకుమార్‌, ఇఒపిఆర్‌డి నీలిమ, ఎంఇఒ పాపారావు, వైద్యులు మాధవి, శ్రీనివాస్‌, దివ్యభారతి సౌజన్య, ఐసిడిఎస్‌ సూపర్వైజర్‌ వెంకటలక్ష్మి, తదితరులు పాల్గొన్నారు.
వేపాడ : మండలంలోని కొంపల్లి గ్రామంలో గురువారం నిర్వహించిన జగనన్న సురక్ష ఆరోగ్య కార్యక్రమాన్ని ఎంపిపి డి.సత్యవంతుడు ప్రారంభించారు. వైద్య శిబిరాన్ని, ఐసిడిఎస్‌ ఆధ్వర్యాన ఏర్పాటుచేసిన స్టాళ్లను ఆయన సందర్శించారు. కార్యక్రమంలో సర్పంచ్‌ ఎల్‌.అరుణ, స్వప్న, తహశీల్దార్‌, తదితరులు పాల్గొన్నారు.
