అనగనగా ఒక భారతదేశము

కులమన్నది కలకాదిది
వివక్ష నిజము కులము నేరము
వెలివేతల దేహము
వెలివాడల స్వరాజ్యము
మైలపడ్డది నా దేశము
మోసపూరిత రాజకీయము
సామాజిక న్యాయము
ఆలోచన అనంతము
ఆచరణ శూన్యము
మనిషి వస్తువయ్యాక
మార్కెట్టు జీవితాన
సంతల సరుకు బతుకాయే!
ఓట్ల కొరకు మనిషాయే!!
లైంగిక వేధింపులు
హింసాయుత సాధింపులు
మానవహక్కుల విధ్వంసం!
ఎంగిలి మెతుకుల సంక్షేమం!
ఇదేనా! ఇదేనా! సామాజిక న్యాయము!
తాకట్టులో దేశము!
కార్పొరేట్లకు దాసోహము!
మతోన్మాదుల ద్రోహ నినాదము!!
ఇదేనా!ఇదేనా! సామాజిక న్యాయము?
కళాలకు గళాలకు కారాగారము!
రాజ్యాధికార మత దురహంకారము!
నేతలుగా మీరు నేరస్థులుగా మేము!
ఆర్థిక సాంఘిక అసమానత్వము!
దీని పేరా సామాజిక న్యాయము?!
రాజులెప్పటికీ రాజులే!
పేదలెప్పటికీ పేదలే!!
ఇదేకదా! పేరెన్నిక గల
సామాజిక న్యాయము!?
ఇదే కదా! నేటిమన
మేడిపండు భారతము!?
మెరమెచ్చుల సామాజిక న్యాయము!
విభజన సిద్ధాంతాల
ఓట్ల రాజకీయము!
చిక్కు వీడని
కుల మతాల ఉచ్చు భారతీయము!!
 

శిఖా -ఆకాష్‌
93815 22247