అనారోగ్యంతో విద్యార్థిని మృతి

ప్రజాశక్తి - వీరఘట్టం :  మండలంలోని కుమ్మరిగుంటకు చెందిన లింగబోతు గౌరీశ్వరి (17) అనారోగ్యంతో గురువారం మృతి చెందింది. గౌరీశ్వరికి ఈనెల 7న జ్వరం వచ్చినట్లు తల్లిదండ్రులకు తెలియజేయడంతో గ్రామంలో ఉన్న ప్రైవేట్‌ ప్రాక్టీషనర్‌ సహాయంతో పాలకొండలోని ఓ ప్రైవేట్‌ ఆసుపత్రికి చికిత్స కోసం తీసుకువెళ్లారు. వైద్యం పొందుతున్నప్పటికీ రక్తం తక్కువగా ఉండడంతో పాటు రక్త స్రావం కావడంతో స్పృహకోల్పోయి మృతి చెందినట్లు తల్లిదండ్రులు తెలిపారు. గౌరీశ్వరి పాలకొండలోని తమ్మినాయుడు కళాశాలలో ఇంటర్‌ రెండో సంవత్సరం చదువుతోంది.