ప్రజాశక్తి-విజయనగరం కోట : చంద్రబాబు అరెస్టును నిరసిస్తూ, మెరుగైన వైద్యసేవలందించాలని డిమాండ్‌ చేస్తూ శుక్రవారం నగరంలోని అంబేద్కర్‌ సెంటర్‌లో టిడిపి నాయకులు, కార్యకర్తలు నిరసన తెలిపారు. చంద్రబాబుకు ఏమైనా జరిగితే ఊరుకునేది లేదని హెచ్చరించారు. ఈ సందర్భంగా టిడిపి నాయకులు మాట్లాడుతూ జైలులో అపరిశుభ్ర వాతావరణం వల్ల చంద్రబాబు అనారోగ్యానికి గురయ్యారని, ఆయన భద్రత పట్ల రాష్ట్రహోంశాఖ మంత్రి స్పందించాలని అన్నారు. రాష్ట్ర ప్రభుత్వం చంద్రబాబు ఆరోగ్య పరిస్థితిపై స్పందించకపోవడం అత్యంత దారుణమని అన్నారు. కార్యక్రమంలో జిల్లా టిడిపి జిల్లా ప్రధాన కార్యదర్శి ఐవిపి రాజు, నగర అధ్యక్షులు ప్రసాదుల లక్ష్మీ వరప్రసాద్‌, కార్యదర్శి బంగారు బాబు, మండల పార్టీ అధ్యక్షులు బొద్దల నర్సింగరావు, కార్యదర్శి గంటా పోలి నాయుడు, పట్టణ కార్యాలయ కార్యదర్శి వర్మ రాజు, శ్రీనివాసరావు భరత్‌, కనకల ముురళీమోహన్‌, కర్రోతు నర్సింగరావు, కంది మురళీనాయుడు, రొంగలి రామారావు, ఎఎ రాజు తదితరులు పాల్గొన్నారు.
