నీ ఓటు...
అవనీతిపరుల గుండెల్లో
రైళ్ళు పరిగెత్తించాలి.
నీ ఓటు...
కబ్జా కోరుల కోరలను
పెకలించాలి.
నీ ఓటు...
నేర చరిత గల నాయకుల
వెన్ను విరచాలి.
నీ ఓటు...
భ్రష్టు పట్టిన రాజకీయాలకు
చరమగీతం పాడాలి.
నీ ఓటు...
మోసపూరిత వాగ్దానాలను
దహనం చేయాలి.
నీ ఓటు ...
వారసత్వ రాజకీయాలను
తుద ముట్టించాలి.
నీ ఓటు .....
నియంతృత్వ నాయకులను
మట్టి కరిపించాలి.
నీ ఓటు
కోట్ల భారతీయుల
భవిష్యత్‌ను నిర్దేశించాలి.
నీ ఓటు
పేదల చీకటి బతుకుల్లో
ఆశా జ్యోతిని వెలిగించాలి..
అందుకే....లే...మేల్కొను
నీ ఓటు ఆయుధంతో
విజ్ఞతతో వ్యవహరించు
సమర్థతను ..సచ్ఛీలతను
పారదర్శకతను...స్వచ్ఛతను
ఎన్నుకో...బలహీనతలకు
లోబడితే మరో ఐదేళ్ళు
శిక్ష అనుభవించక తప్పదు.
- కయ్యూరు బాలసుబ్రమణ్యం,
సెల్‌ : 9441791239
