ప్రజాశక్తి -రైల్వేకోడూరు :మండలంలోని గాంధీ నగర్‌ వద్ద గల విజ్‌ డమ్‌ సి బి ఎస్‌ ఈ పాఠశాలలో తొమ్మిదవ తరగతి చదువుతున్న విద్యార్థి డి శ్రీ రాజ్‌ జగన్‌ రెడ్డి రాష్ట్రస్థాయి కరాటే పోటీలకు ఎంపికైనట్లు పాఠశాల డైరెక్టర్‌ డాక్టర్‌ ప్రదీప్‌, అడ్మిన్‌ డైరెక్టర్‌ మదన్మోహన్‌ తెలిపారు. ఈ సందర్భంగా వారు మాట్లాడుతూ అక్టోబర్‌ నెల 31వ తేదీన స్కూల్‌ గేమ్స్‌ ఫెడరేషన్‌ వారు రైల్వేకోడూరులో నిర్వహించిన జిల్లా స్థాయి కరాటే పోటీలలో అండర్‌ 17 బాలుర విభాగంలో ఈ విద్యార్థి శ్రీ రాజ్‌ జగన్‌ రెడ్డి గోల్డ్‌ మెడల్‌ సాధించి ఈనెల 8,9,10 మన్యం జిల్లా పార్వతీపురంలో జరగబోవు రాష్ట్రస్థాయి కరాటే పోటీలకు ఎంపికయ్యాడని వారు తెలిపారు. ఈ కార్యక్రమంలో ఉపాధ్యాయులు విద్యార్థులు వ్యాయామ ఉపాధ్యాయులు పాల్గొన్నారు.
