ఎగిరింది ఎగిరింది మన జెండా
నింపింది మోదమే మది నిండా
ఎందరో త్యాగధనుల సాక్షిగా
నింగిలో విహరించే హాయిగా ...
మదిని సమరయోధులను స్మరిస్తూ
ఆత్మ బలిదానాలు వివరిస్తూ
ఎత్తండి పైపైకి ఘన జెండా
మన జాతి గౌరవం ఈ జెండా
మువ్వన్నెల ముచ్చటైన జెండా
ముసిముసి నవ్వుల వెలుగుల జెండా
శాంతి,స్వేచ్ఛ, క్షేమములకు ప్రతీక
పింగళి వెంకయ్య చేసిన జ్ఞాపిక
కొలవాలి కొలవాలి గుండెల్లో
జాతీయ జెండాను మనమంతా
చాటాలి చాటాలి దేశకీర్తి
చేయిచేయి కల్పి జగమంతా!
- గద్వాల సోమన్న
