పులివెందుల టౌన్‌ : ముఖ్యమంత్రి వైఎస్‌ జగన్మోహన్‌ రెడ్డి ఈనెల 9, 10 తేదీల్లో పులివెందులలో పర్యటిం చనున్నారు. 9వ తేదీ మధ్యాహ్నం ఒంటిగంటకు అన్నమయ్య జిల్లా నుంచి హెలికాప్టర్‌ ద్వారా పులివెందులలోని బాక్రాపురం హెలిపాడ్‌కు చేరుకొని 1.40 నిమిషాలకు శ్రీకష్ణ దేవస్థానాన్ని ప్రారంభిస్తారు. అనంతరం 2.00 గంటలకు ఏపీ కార్లకు చేరుకుని శ్రీ స్వామి నారాయణ గురుకుల పాఠశాలకు భూమి పూజ చేస్తారు. తర్వాత 2.20 గంటలకు వ్యవసాయ, ఉద్యానవన కళాశాల భవనాలను ప్రారంభిస్తారు. 2.40 గంటలకు చిత్రలేఖన పరీక్ష కేంద్రాన్ని, 2.55 గంటలకుఆదిత్య బిర్లా యూనిటీను పరిశీలిస్తారు. అక్కడ నుంచి 3.20 గంటలకు శిల్పారామం చేరుకుని ప్రారంభిస్తారు. 3.50 గంటలకు ఇడుపులపాయ వ్యవసాయ క్షేత్రానికి చేరుకుని రాత్రి అక్కడే బస చేస్తారు. 10న ఉదయం 8.40 నిమిషాలకు ఇడుపులపాయలోని ఆర్కె వ్యాల్లీ పోలీస్‌ స్టేషన్‌ను ప్రారంభిస్తారు. తర్వాత ఇడుపులపాయలోని ఏకో పార్క్‌ చేరుకుని వేముల మండల ప్రజా ప్రతినిధులు, నాయకుల సమావేశంలో పాల్గొంటారు.11.55 నిమిషాలకు కడప విమానాశ్రయానికి చేరుకుని తాడేపల్లి నివాసానికి బయలుదేరుతారు.
