అనుష్కా, నవీన్‌ పోలిశెట్టి కాంబోలో వస్తున్న సినిమా 'మిస్‌ శెట్టి మిస్టర్‌ పోలిశెట్టి'. ఇప్పటికే విడుదల చేసిన టైటిల్‌, ఫస్ట్‌ లుక్‌ సినిమాపై ప్రేక్షకుల్లో ఆసక్తిని పెంచుతోంది. ఈ మూవీ నుంచి మొదటి పాటను విడుదల చేస్తున్నట్లు మేకర్స్‌ ప్రకటించారు. ఎంఎస్‌ఎంపి పేరుతో వాట్సాప్‌ ఛాటింగ్‌ ద్వారా పాట విడుదల చేస్తున్నట్లు ఓ వీడియోను విడుదల చేశారు. 'నోనోనో ...' అంటూ సాగే మొదటి సాంగ్‌ను ఉగాది పండగ సందర్భంగా లాంఛ్‌ చేయనున్నట్టు మేకర్స్‌ ప్రకటించారు. కామెడీ ఎంటర్‌టైనర్‌గా రాబోతున్న ఈ చిత్రానికి పి మహేశ్‌ బాబు దర్శకత్వం వహిస్తున్నాడు. యూవీ క్రియేషన్స్‌ బ్యానర్‌పై తెరకెక్కుతుంది.
