తమిళ్‌ ఇండస్ర్టీలో అజిత్‌కు ఉండే క్రేజ్‌ చాలా డిఫరెంట్‌. సూపర్‌స్టార్‌ రజినీకాంత్‌, విజరు లాంటి స్టార్స్‌ తరువాత అత్యధిక అభిమానులు కలిగి ఉన్న హీరోల్లో అజిత్‌ ఒకరు. అజిత్‌కు కొన్ని ప్రత్యేకమైన అలవాట్లు ఉన్నాయి. కోలీవుడ్‌ టాప్‌ హీరో, అభిమానులు ''తలా'' అని ముద్దుగా పిలుచుకునే హీరో అజిత్‌ వివాదాలకు దూరంగా ఉంటారు. అభిమానులతో నిత్యం టచ్‌లో ఉండే అజిత్‌.. తన హాబీస్ విషయంలో అస్సలు వెనక్కు తగ్గరు. సినిమాలతో పాటు తనకిష్టమైన బైక్‌ రైడింగ్‌, సైకిల్‌ రైడింగ్‌, రైఫిల్‌ షూటింగ్‌తో ఎప్పుడూ బిజీగా ఉంటారు. వీటితో పాటు ఫొటోగ్రఫీ, ఏరోమోడలింగ్‌ను ఎంజారు చేస్తుంటారు. అజిత్‌ కేవలం సినిమా హీరోగానే కాదు. స్పోర్ట్స్‌లోనూ మంచి ప్రావీణ్యం ఉంది. గతంలో రేస్‌ కార్‌లూ నడిపేవారు. ఇటీవల సైకిల్‌ మీద దేశం మొత్తం తిరిగారు. హీరో, స్పోర్ట్స్‌మెన్‌గానే కాకుండా సామాజిక కార్యక్రమాల్లోనూ అజిత్‌ ముందుంటారు. కష్టాల్లో ఉన్నవారికి గుప్తదానాలు చేస్తుంటారు.చాలామంది సెలబ్రిటీ స్టేటస్‌ వచ్చాక సాధారణంగా ప్రజల మధ్యలో కనిపించడానికి కాస్త వెనుకాముందు అవుతుంటారు. కానీ కోలీవుడ్‌ స్టార్‌ హీరో అజిత్‌ మాత్రం సాధారణ జీవితం గడపడం, తన హాబీస్ అలాగే కొనసా గించడంలాంటి వాటికి ప్రాధాన్యం ఇస్తారు. ఈ హీరోకు బైకుల పిచ్చి మరీ ఎక్కువ. కొన్నిసార్లు షూటింగ్స్‌కు బైక్‌పైనే వచ్చేస్తుంటారు. షూటింగ్‌ స్పాట్‌ వందల కిలోమీటర్ల దూరంలో ఉన్నా సరే, బైక్‌ మీద రైడ్‌ చేయడమంటే మహా సరదా! ఈ క్రమంలోనే తనకెంతో ఇష్టమైన సైకిల్‌ రైడ్‌ ఎంజా రు చేస్తూ ఇటీవల హైదరాబాద్‌లో చక్కర్లు కొట్టారు. 2003లో ఆసియా ఫార్ములా బిఎండబ్ల్యూ రేస్‌లో ఛాంపి యన్‌గా నిలిచారు. 2010లో ఫార్ములా 2 ఛాంపియన్‌ షిప్‌నూ సాధించారు. అంతేకాదు... తాజాగా మార్చి 8న తమిళనాడులో జరిగిన 46వ రాష్ట్ర స్థాయి షూటింగ్‌ ఛాంపి యన్‌ షిప్‌ కాంపిటీషన్‌లో హీరో అజిత్‌ గోల్డ్‌మెడల్‌ గెలు పొందారు. విజేతలకు చెన్నై రైఫిల్‌ క్లబ్‌ కార్యదర్శి రాజశేఖర్‌ పాండియన్‌, జాతీయ రైఫిల్‌ అసోసియేషన్‌ కార్యదర్శి డివిఆర్‌ రావు, తమిళనాడు షూటింగ్‌ అసోసియేషన్‌ కార్యదర్శి రవికృష్ణన్‌, చెన్నై రైఫిల్‌ క్లబ్‌ సంయుక్త కార్యదర్శి, డిజిపి తమిళెల్వన్‌ గోల్డ్‌మెడల్‌ అందజేశారు. ఈ విభాగంలో అజిత్‌ మొత్తం ఆరు పతకాలు సాధించారు. ఇందులో నాలుగు బంగారు, రెండు రజత పతకాలు ఉన్నాయి. ఎయిర్‌ పిస్టల్‌ 10 మీటర్లు (ఐఎస్‌ఎస్‌ఎఫ్‌) టీం, సెంటర్‌ ఫైర్‌ పిస్టల్‌ 32 (ఎన్‌ఆర్‌) 25 మీటర్ల టీం, స్టాండర్డ్‌ పిస్టల్‌ 22 (ఐఎస్‌ఎస్‌ఎఫ్‌) 25 మీటర్ల టీం, ఫ్రీ పిస్టల్‌ 22 (ఎన్‌ఆర్‌) 50 మీటర్ల టీం విభాగాల్లో మొదటి స్థానాన్ని దక్కించుకున్నారు. ఇవి కాకుండా, సెంటర్‌ ఫైర్‌ పిస్టల్‌ 32 (ఐఎస్‌ఎస్‌ఎఫ్‌) 25 మీటర్ల జట్టు స్టాండర్డ్‌ పిస్టల్‌ 22 (ఎన్‌ఆర్‌) 25 మీటర్ల జట్టు ఈవెంట్లలో రెండో స్థానాన్ని దక్కించుకున్నారు. దీనిపై తమిళనాడు ఉప ముఖ్యమంత్రి ఓ పన్నీర్‌సెల్వం సోషల్‌ మీడియాలో నటుడిని అభినందించారు.
పర్సనల్‌ లైఫ్‌ని బ్యాలెన్స్‌ చేస్తూ...
సినిమాలతో పాటు పర్సనల్‌ లైఫ్‌ని బ్యాలెన్స్‌ చేసే అజిత్‌ కొన్నిరోజుల క్రితం ఓ లాంగ్‌ టూర్‌ వేశారు. తన స్నేహితులతో కలిసి 30వేల కిలోమీటర్లకు పైగా రోడ్డు ప్రయాణం పూర్తిచేశారు. తాజాగా హైదరాబాద్‌ నగరంలో సైక్లింగ్‌ చేస్తూ కనిపించారు. ఎవరూ గుర్తుపట్టకుండా ఉండేలా బ్లాక్‌ ఔట్‌ఫిట్‌లో ఫేస్‌ను కవర్‌ చేస్తూ సిటీ రోడ్లపై సైకిల్‌ రైడ్‌ చేశారు. సైకిల్‌పై హైదరాబాద్‌ చుట్టేసిన ఆయన, ఓ కేఫ్‌ దగ్గర చారు తాగారు. అయితే అజిత్‌తో రైడ్‌ చేసిన వ్యక్తులు తీసిన ఫొటోలు సోషల్‌ మీడియాలో పోస్ట్‌ చేయడంతో అవి వైరల్‌గా మారాయి.
కోలీవుడ్‌లో మాస్‌ ఫాలోయింగ్‌ ..
సౌత్‌ ఇండియన్‌ తెరపై, ముఖ్యంగా కోలీవుడ్‌ ఇండిస్టీ మాస్‌ ఫాలోయింగ్‌ పుష్కలంగా ఉన్న అజిత్‌.. ప్రస్తుతం హెచ్‌. వినోద్‌ దర్శకత్వంలో ఓ సినిమా చేస్తున్నారు. 'వలిమై' పేరుతో రూపొందుతున్న ఈ సినిమాకు బోనీకపూర్‌ నిర్మాతగా వ్యవహరిస్తున్నారు. పవర్‌ఫుల్‌ పోలీసాఫీసర్‌గా అజిత్‌ కనిపించనున్న ఈ మూవీని 2021 చివర్లో రిలీజ్‌ చేసేందుకు ప్లాన్‌ చేస్తున్నారు మేకర్స్‌.
బైక్స్‌ అంటే ప్రాణం..
అయితే ఫ్యామిలీతో అజిత్‌ చాలా బిజీగా ఉంటారు. లేకుంటే బైక్స్‌తో ప్రపంచాన్ని చుట్టేస్తూ ఉంటారు. ఇటీవల బైక్‌ నడుపుకుంటూ ఏకంగా వేల కిలోమీటర్లు దాటేశారు. బైక్స్‌ అంటే ఎంత పిచ్చి అంటే ఓసారి హైదరాబాద్‌లో షూటింగ్‌ కోసం వచ్చి, సినిమాలో వాడిన బైక్‌పైనే చెన్నైకు వెళ్లిపోయారు.
పదివేల కిలోమీటర్ల ప్రయాణం..
బైక్‌ రేసులో పాల్గొన్న అనుభవం ఉన్న అజిత్‌ చాలా జాగ్రత్తగా ప్రయాణం చేస్తుంటారు. అయితే రీసెంట్‌గా తన బీఎండబ్ల్యూ బైక్‌పై పదివేల కిలోమీటర్లకు పైగా ప్రయాణం చేశారు. తన బైక్‌ పార్టనర్‌ ఒకరు సోషల్‌ మీడియా ద్వారా ఈ విషయాన్ని షేర్‌ చేసుకున్నారు. చెన్నై నుంచి కోయంబత్తూర్‌ హైదరాబాద్‌, వారణాసి, గాంగ్‌టక్‌, లక్నో, అయోధ్య వంటి ప్రాంతాలను తీరిక లేకుండా చుట్టేసిన అజిత్‌ మొత్తం పది వేల కిలోమీటర్ల ప్రయాణాన్ని ఫినిష్‌ చేసి, కొత్త రికార్డు క్రియేట్‌ చేశారు. ఇప్పటివరకూ ఏ స్టార్‌హీరో ఇలాంటి రికార్డును క్రియేట్‌ చేయలేదు. మరి రానున్న రోజుల్లో అజిత్‌ ఇంకా ఎలాంటి రికార్డులను క్రియేట్‌ చేస్తారో చూడాలి. దీంతో పాటు బాక్సాఫీస్‌ వద్ద వరుసగా ఐదుసార్లు.. తమిళ ఇండిస్టీలో మాస్‌ ఫాలోయింగ్‌ను పవర్‌ఫుల్‌గా సెట్‌ చేసుకుంటున్న అజిత్‌ సినిమాలు బాక్సాఫీస్‌ వద్ద మినిమమ్‌ వంద కోట్లకు తక్కువ రాబట్టవు. గత ఐదు సినిమాలూ వరుసగా వంద కోట్లకు పైగానే కలెక్షన్స్‌ అందుకొని, న్యూ రికార్డు క్రియేట్‌ చేశాయి.
గుప్తదానాలూ ఎక్కువే..
సినిమా హీరోలు సామాజిక సేవా కార్యక్రమాలు నిర్వహించడం సర్వసాధారణం. అయితే తన వాళ్ల కోసం ఏదైనా చేయడానికి సిద్ధంగా ఉంటారు తమిళ స్టార్‌ హీరో అజిత్‌. ఓసారి టెక్నీషియన్స్‌, డ్రైవర్స్‌కు నిర్మాతలు చాలా కాలంగా డబ్బులు ఇవ్వకపోతే.. వాళ్లు వెళ్లి అతడికి కంప్లైంట్‌ చేశారు. దానికి 'నన్నేం చేయమంటారు? వెళ్లి నిర్మాతను అడగండి' అంటూ అక్కడ వాళ్ల దగ్గర సమాధానం చెప్పారు. అజిత్‌ మాటలకు షాక్‌ అయ్యారు. అయితే షూటింగ్‌ నుంచి ఉన్నట్లుండి వెళ్లిపోయి.. వాళ్ల బకాయిలూ తీర్చిన తర్వాత వస్తానని చెప్పాడు అజిత్‌. దీంతో నిర్మాతలు అందరికీ ఒకేసారి డబ్బులు చెల్లించాల్సి వచ్చింది.. హైదరాబాద్‌లో పుట్టి, పెరిగిన అజిత్‌.. హీరో కాకముందు హైదరాబాద్‌లోనే బైక్‌ మెకానిక్‌గా ఉన్నారు. అందుకే ఇక్కడికి ఎప్పుడు వచ్చినా సొంతూరుకు వచ్చినట్లు ఫీల్‌ అవుతుంటారు.
ప్రస్తుతం ఈయన నటిస్తున్న 'వాలిమై' సినిమా షూటింగ్‌ చివరి షెడ్యూల్‌ హైదరాబాద్‌లోనే జరిగింది. ఈ షూటింగ్‌ జరిగినన్ని రోజులు అజిత్‌ తన సిబ్బందిని పక్కనపెట్టి, సొంత బైక్‌పై సిటీలో తిరిగారు. అంతేకాదు రాత్రి పూట తనకు దగ్గర్లో ఉన్న ఇడ్లీ బండి వద్దకు వెళ్లేవారు. వాళ్ల కష్టాలు తెలుసుకుని, వెంటనే చదువుల కోసం లక్ష రూపాయల సాయం చేశారు.
అసలు పేరు : అజిత్‌కుమార్‌ సుబ్రమణ్యం
పుట్టిన తేదీ : 1971, మే 1
పుట్టిన ప్రాంతం : సికింద్రాబాద్‌
హాబీలు : రేసింగ్‌, రైఫిల్‌ షూటింగ్‌, సైక్లింగ్‌
భార్య : షాలిని(నటి)
పిల్లలు : అనౌష్‌కా, ఆద్విక్‌
తల్లిదండ్రులు : పి సుబ్రమణ్యం (తమిళియన్‌),
మోహిని (బెంగాలీ)
సోదరులు : అనూప్‌ కుమార్‌, అనీల్‌కుమార్‌
