అమ్మ పాడింది పాట
కమ్మనిది జోలపాట
ఉయ్యాలలో వేసింది
జాబిల్లిని పిలిచింది!
ఊసులాడగ రమ్మంటే
ఉలకని పలకని మామ
అందని అందాల మామ
రానంటాడు చందమామ!
నువ్వు రానంటే చూస్తా
ఆకాశ నౌకలో వస్తా
బాహుబలి రాకెట్‌ తెస్తా
నీ గుట్టు నే విప్పేస్తా!
పంతమే పెరిగిందోయి
సవాలు విసిరానోయి
చంద్రయాన్‌ మూడుతో
రోలర్‌ యంత్రం తోడు!
కొలది రోజులలో చేరి,
దేశ గౌరవం నిలుపుతా
మువ్వన్నె జండా తెచ్చి
నీ పైనే అలంకరిస్తా!
చంద్రయాన్‌ పయనం
విశ్వానికే విజయం
భారత వెలుగుల స్ఫూర్తి
జగాన నిల్పు కీర్తి!
- బెహరా ఉమామహేశ్వరరావు,
92900 61336.
