న్యూఢిల్లీ: అంతర్జాతీయ ఫుట్‌బాల్‌ సమాఖ్య(ఫిఫా) స్పెయిన్‌ ఫుట్‌బాల్‌ అసోసియేషన్‌ మాజీ చీఫ్‌ లూయిస్‌ రూబియేల్స్‌పై వేటు వేసింది. రూబియేల్స్‌ ఫుట్‌బాల్‌కు సంబంధించిన ఎలాంటి కార్యకలాపాల్లో పాల్గన కూడదంటూ సోమవారం ఒక ప్రకటన విడుదల చేసింది. మహిళల ఫిఫా వరల్డ్‌ కప్‌-2023 టోర్నీలో స్పెయిన్‌ జట్టు ఛాంపియన్‌గా నిలిచింది. ఈ సందర్భంగా ఏర్పాటు చేసిన కార్యక్రమంలో వేదికపైనే స్పెయిన్‌ ఫుట్‌బాల్‌ క్రీడాకారిణి జెన్నీ హెర్మోసోను లూయిస్‌ రూబియేల్స్‌ ముద్దు పెట్టుకున్నాడు. ఆమెకు లిప్‌ టు లిప్‌ కిస్‌ ఇవ్వడంతో వేదికపై ఉన్న అందరూ ఒక్కసారిగా షాక్‌ అయ్యారు. ఈ ఘటనను ప్రపంచ సాకర్‌ బాడీ సీరియస్‌గా తీసుకుంది. లూయిస్‌ రూబియేల్స్‌పై క్రమశిక్షణా చర్యలు చేపట్టింది. దాంతో ఈ ఏడాది సెప్టెంబర్‌లో లూయిస్‌ రూబియేల్స్‌ స్పెయిన్‌ ఫుట్‌బాల్‌ అసోసియేషన్‌ చీఫ్‌ పదవికి రాజీనామా చేసిన సంగతి తెలిసిందే.
