ప్రజాశక్తి - తిరుపతి బ్యూరో :తిరుపతి జిల్లా రామచంద్రపురం మండలం అనుపల్లి గ్రామంలో సంక్రాంతి సంబరాల్లో భాగంగా పశువుల పండుగ జరిగింది. ఈ పండుగను పోలీసులు అడ్డుకునేందుకు యత్నించగా గ్రామస్తులు, యువత ససేమిరా అనడంతో పండుగను నిర్వహించారు. కోడిగిత్తల కొమ్ములకు వాటి యజమానులు చెక్క పలకలు, బహుమతులు కట్టారు. అనంతరం డప్పుల వాయిద్యాలతో పశువులను పరుగులు తీయించారు. వీటిని పట్టుకునేందుకు యువకులు పోటీపడ్డారు. ఈ క్రమంలో పలువురికి స్వల్ప గాయాలయ్యాయి. ఈ పండుగకు వివిధ ప్రాంతాల నుంచి సుమారు ఏడువేల మంది తరలివచ్చినట్లు స్థానికులు తెలిపారు.
