ప్రజాశక్తి-కడియం (తూర్పు గోదావరి) : కడియం గ్రామానికి చెందిన సామాజికవేత్త, రూరల్‌ వైసిపి సోషల్‌ మీడియా కో-కన్వీనర్‌ శాకా సురేష్‌ కు నంది పురస్కారం లభించింది. ఉగాది పండగ సందర్బంగా ... పిలాంత్రపిక్‌ సొసైటీ ఆధ్వర్యంలో ఆంధ్రప్రదేశ్‌ రాష్ట్ర సాహిత్య అకాడమీ, రాష్ట్ర దఅశ్య కళల అకాడమీ, కేంద్ర ప్రభుత్వ సంగీత నాటక అకాడమీ న్యూఢిల్లీ, అంతర్జాతీయ శ్రీ శ్రీ కళావేదిక సయుక్త సౌజన్యంతో రాజమహేంద్రవరం ఆనం రోటరీ హాల్‌ లో ఆదివారం రాత్రి జరిగిన పురస్కారాల ప్రధానోత్సవ కార్యక్రమంలో ప్రముఖ సినీ నటుడు ఆర్‌.నారాయణ మూర్తి చేతుల మీదుగా సురేష్‌ ఈ పురస్కారాన్ని అందుకున్నారు. గత దశాబ్ద కాలంగా వివిధ సామాజిక సేవా కార్యక్రమాలు నిర్వహిస్తూ, కరోనా కష్ట కాలంలో అందించిన విశేష సేవలకు గుర్తింపుగా ఈ అవార్డుకు సురేష్‌ ను ఎంపికచేశారు. ఈ సందర్బంగా పలువురు ప్రముఖుల సమక్షంలో సురేష్‌ ను తలపాగా, శాలువాతో సత్కరించి, నందితో కూడిన మెమోంటోతో పాటుగా, ప్రశంసా పత్రం అందజేశారు. ఈ కార్యక్రమంలో శ్రీ శ్రీ కళావేదిక అంతర్జాతీయ అధ్యక్షులు కె.ప్రతాప్‌, ఆంధ్రప్రదేశ్‌ రాష్ట్ర సాహిత్య అకాడమీ చైర్మన్‌ పి.శ్రీలక్ష్మి, ఆంధ్రప్రదేశ్‌ రాష్ట్ర దఅశ్య కళల అకాడమీ చైర్పర్సన్‌ కే.సత్య శైలజ, కేంద్ర ప్రభుత్వ సంగీత నాటక అకాడమీ సభ్యురాలు ఎస్పీ భారతి, తదితరులు పాల్గొన్నారు.
