ప్రజాశక్తి - విజయవాడ అర్బన్‌ : వరల్డ్‌ ఫొటో జర్నలిజం డే (నవంబరు 1) సందర్భంగా ఉభయ తెలుగు రాష్ట్రాల్లో ఈనెల 24న నిర్వహించిన ఫొటోగ్రఫీ పోటీల్లో 'ప్రజాశక్తి' ఫొటో జర్నలిస్టు ఎ.రామచంద్రరావుకు రాష్ట్రస్థాయి అవార్డు లభించింది. ఇండియా ఇంటర్నేషనల్‌ ఫొటోగ్రాఫిక్‌ కౌన్సిల్‌ (ఐఐపిసి), ఫొటోగ్రఫీ అకాడమి ఆఫ్‌ ఇండియా (పిఎఐ) సంయుక్తంగా నిర్వహించిన పోటీలలో 'జ్ఞానపీఠ్‌ డాక్టర్‌ రావూరి భరద్వాజ' మెమోరియల్‌ అవార్డును ఎ.రామచంద్రరావుకు ప్రకటించారు. నవంబరు 1న విజయవాడలోని బాలోత్సవ్‌ భవన్‌లో జరిగే వరల్డ్‌ ఫొటో జర్నలిస్ట్‌ డే వేడుకల్లో అవార్డును అందజేయనున్నట్లు నిర్వాహకులు ఓ ప్రకటనలో పేర్కొన్నారు.
