ప్రజాశక్తి-మండపేట (అంబేద్కర్‌ కోనసీమ) : స్థానిక టిడిపి కార్యాలయంలో ఎన్టీఆర్‌ శతజయంతి వేడుకలను ఎమ్మెల్యే వేగుళ్ళ జోగేశ్వరరావు ఆధ్వర్యంలో ఆదివారం జరుపుకున్నారు. ఈ సందర్భంగా ఎన్టీఆర్‌ విగ్రహం, చిత్రపటానికి పూలమాలలు వేసి ఘన నివాళులు అర్పించారు. ఈ సందర్భంగా ఎమ్మెల్యే మాట్లాడుతూ ... తెలుగువారి ఆత్మగౌరవాన్ని ప్రపంచ నలుదిశలా వ్యాపింపజేసిన మహౌన్నత నాయకుడు ఎన్టీఆర్‌ అన్నారు. ఆయన ప్రవేశపెట్టిన పధకాలవల్లే ఇప్పటి సంక్షేమ పధకాలు కొనసాగుతున్నాయన్నారు. కార్యక్రమంలో పట్టణ అధ్యక్షులు ఉంగరాల రాంబాబు, షేక్‌ ఇబ్రహీం, గుండు వీరతాత రాజు, వాకచర్ల గుప్తా తదితర్లు పాల్గొన్నారు.
