నార్పల (అనంతపురం) : ప్రజాశక్తి-నార్పల (అనంతపురం) : మండల కేంద్రమైన నార్పలలో బుధవారం స్వచ్ఛభారత్‌ లో భాగంగా స్వచ్ఛ సర్వేక్షణ గ్రామీణ కేంద్ర బృందం పర్యటించింది. మండల కేంద్రంలోని ప్రాథమిక వైద్యశాల, ప్రభుత్వ బాలికల పాఠశాల, సుల్తాన్‌ పేటలోని స్థానిక అంగన్వాడీ కేంద్రము, సాయిబాబా దేవాలయం, పలు వ్యక్తిగత గృహాలను పరిశీలించి పారిశుద్ధ్య ఏర్పాట్లను పరిశీలించడం జరిగింది. ఈ కార్యక్రమంలో స్వచ్ఛభారత్‌ జిల్లా కోఆర్డినేటర్‌ అనంత కేంద్ర బృందం సభ్యుడు మణికంఠ, పంచాయతీ కార్యదర్శిలు శ్రీనివాసులు, పరశురాముడు, ఎఎన్‌ఎం లు డాక్టర్‌ ప్రవీణ్‌, ప్రధానోపాధ్యాయులు నగేష్‌, తదితరులు పాల్గొన్నారు.
