ప్రజాశక్తి-చీరాల : జిల్లా ఎస్పీ వకూల్‌ జిందాల్‌ ఆదేశాల మేరకు చీరాల డిఎస్పి శ్రీకాంత్‌ పర్యవేక్షణలో సెబ్‌ సీఐ సోమయ్య, వన్‌ టౌన్‌, టూ టౌన్‌ రూరల్‌, సిఐలు మల్లికార్జునరావు, సోమశేఖర్‌ మల్లికార్జునరావులు చీరాల రూరల్‌ ప్రాంతంలో మంగళవారం కార్డెన్‌ సర్చ్‌ నిర్వహించారు. ఈ సెర్చ్‌ లో భాగంగా ఆదినారాయణపురం, రాంనగర్‌, న్యూ కాలనీ, పలు ప్రాంతాలలో సిబ్బందితో సోదాలు నిర్వహించి నాటు సారా తయారీ సామాగ్రిని స్వాధీనం చేసుకున్నారు. ఈ దాడులలో 300 లీటర్ల బెల్లం ఊటను ధ్వంసం చేసి 4 లీటర్ల నాటు సారాను స్వాధీనం చేసుకున్నారు. పలు ద్విచక్ర వాహనాల ధ్రువీకరణ పత్రాలను పరిశీలించారు. నాటు సారా తయారీకి పాల్పడుతున్నట్లు ఎవరైనా గుర్తించినట్లయితే వెంటనే తమ దఅష్టికి తీసుకురావాలని స్థానికులకు సూచించారు. గుర్తు తెలియని వ్యక్తులు, అపరిచితులు అనుమానాస్పదంగా కనిపించినవారిపై నిఘా ఉంచి తమకు సమాచారం అందించాలని కోరారు. కార్డెన్‌ సర్చ్‌ కార్యక్రమంలో ఎస్సైలు సురేష్‌, నాగరాజు, జనార్ధన్‌, పలువురు సిబ్బంది పాల్గొన్నారు.
