108 వాహనంలో గర్భిణీ సుఖ ప్రసవం

ప్రజాశక్తి-యర్రగొండపాలెం
108 వాహనంలో గర్భిణీ సుఖ ప్రసవం అయిన సంఘటన పెద్దారవీడు మండలం దేవరాజుగట్టు సమీపంలో జరిగింది. యర్రగొండపాలెం మండలం గుర్రపుశాలకు చెందిన నిండు గర్భిణీ అనూష తెల్లవారుజామున పురిటి నొప్పులతో బాధపడుతుంగా బంధువులు 108 సిబ్బందికి సమాచారం ఇచ్చారు. దీంతో హుటాహుటిన గ్రామానికి వెళ్ళిన 108 సిబ్బంది అనూషను మార్కాపురంలోని జిల్లా ప్రభుత్వ వైద్యశాలకు తరలిస్తుండగా గురువారం మార్గమధ్యంలో నొప్పులు అధికమయ్యాయి. దీంతో 108 సిబ్బంది వాహనాన్ని పక్కకు ఆపి అనూషకు సుఖ ప్రసవం చేశారు. సుఖ ప్రసవం అనంతరం తల్లి బిడ్డను మార్కాపురంలోని జిల్లా వైద్యశాలలో చేర్పించారు. పండంటి ఆడ బిడ్డకు జన్మనిచ్చిన అనూష ఆమె బిడ్డ క్షేమంగా ఉన్నారని 108 సిబ్బంది తెలిపారు.