ప్రజాశక్తి-మండపేట (అంబేద్కర్‌ కోనసీమ) : స్థానిక సంగమేశ్వరకాలనీలోని మండల ప్రజా పరిషత్‌ ప్రాథమిక పాఠశాలలో ఉక్కు మనిషి సర్దార్‌ వల్లభాయ్ పటేల్‌ జయంతి వేడుకను మంగళవారం ఘనంగా నిర్వహించారు. పటేల్‌ చిత్రపటానికి ప్రధానోపాధ్యాయులు ముత్యాల మాణిక్యాంబ విద్యార్థులతో కలసి పూలమాల వేసి ఘన నివాళులర్పించారు. జాతీయ ఐక్యతా దివస్‌, పటేల్‌ గొప్పదనం గురించి విద్యార్థులకు ప్రధానోపాధ్యాయులు వివరించారు. అనంతరం విద్యార్థులందరితో జాతీయ ఐక్యత దినోత్సవ ప్రతిజ్ఞ చేయించారు. ఈ కార్యక్రమంలో ఉపాధ్యాయులు, సిబ్బంది పాల్గొన్నారు.
