పోలీసుల అదుపులో చీకోటి ప్రవీణ్‌ భద్రతా సిబ్బంది

హైదరాబాద్‌: క్యాసినోలు నిర్వహిస్తూ గతంలో పోలీసులకు చిక్కిన చీకోటి ప్రవీణ్‌ మరోసారి వివాదాల్లో నిలిచారు. బోనాల సందర్భంగా లాల్‌దర్వాజ అమ్మవారిని ఆదివారం చీకోటి ప్రవీణ్‌ దర్శించుకున్నారు. ఈ క్రమంలో ఆయన వ్యక్తిగత భద్రతాసిబ్బంది గన్‌తో ఆలయంలోని వెళ్లే ప్రయత్నం చేశారు.భద్రతాసిబ్బంది వద్ద గన్‌ను గుర్తించిన టాస్క్‌ఫోర్స్‌ పోలీసులు వారిని అదుపులోకి తీసుకొని పోలీస్‌స్టేషన్‌కు తరలించారు. గన్‌లైసెన్స్‌లపై ఆరా తీస్తున్నారు.