హైదరాబాద్‌ : ప్రముఖ సీనియర్‌ నటుడు చంద్రమోహన్‌ అంతిమయాత్ర ఫిల్మ్‌నగర్‌లోని ఆయన నివాసం నుంచి ప్రారంభమైంది. కాసేపట్లో ఆయన అంత్యక్రియలు పంజాగుట్టలోని శ్మశాన వాటికలో జరగనున్నాయి. చంద్రమోహన్‌ సోదరుడు మల్లంపల్లి దుర్గాప్రసాద్‌ అంతిమ సంస్కారాలు నిర్వహించనున్నారు. ఈ అంతిమయాత్రకు ముందు పలువురు సినీ ప్రముఖులు చంద్రమోహన్‌కు కడసారి వీడ్కోలు పలికారు. నటులు వెంకటేశ్‌, రాజశేఖర్‌, జీవిత, నిర్మాత ఆదిశేషగిరిరావు, మాదాల రవి తదితరులు ఆయన భౌతికకాయానికి నివాళులర్పించారు.
