ప్రజాశక్తి -చిత్తూరు అర్బన్‌ : ఆటో డ్రైవర్‌ దారుణ హత్యకు గురైన ఘటన చిత్తూరు నగర శివారు ప్రాంతమైన సీతం ఇంజనీరింగ్‌ కళాశాల సమీపంలో మంగళవారం చోటుచేసుకుంది. పోలీసుల వివరాల మేరకు ... బాలాజీ కాలనీ అంబేద్కర్‌ నగర్‌కు చెందిన వడివేలు (45) ఆటో నడుపుతూ జీవనం కొనసాగిస్తున్నాడు. సోమవారం సాయంత్రం ఇంటి నుంచి ఆటోలో బయటికి వెళ్లిన ఆయన రాత్రి ఇంటికి రాలేదు. సీతం ఇంజనీరింగ్‌ కళాశాల సమీపంలో మృతదేహాన్ని చూసిన స్థానికులు పోలీసులకు సమాచారమిచ్చారు. ఘటనాస్థలికి వెళ్లి పోలీసులు పరిశీలించారు. డ్రైవింగ్‌ లైసెన్స్‌ ఆధారంగా మృతుడు వడివేలుగా నిర్ధారించారు. కేసు దర్యాప్తు చేస్తున్నారు. హత్యకు కారణాలు తెలియాల్సి ఉంది.
