ప్రస్తుత జీవన శైలిలో ప్రతి ఒక్కరూ కూల్‌డ్రింక్స్‌ను ఇష్టపడతారు. కూల్‌ డ్రింక్స్‌ను రోజూ తాగే వారు ఉంటారు. ఇకపై కూల్‌ డ్రింక్స్‌ తాగే వారు జాగ్రత్తగా ఉండాలి. ఎందుకని అనుకుంటున్నారా? కూల్‌ డ్రింక్స్‌లో కూడా కేన్సర్‌ కారకాలు ఉంటున్నాయని ప్రపంచ ఆరోగ్య సంస్థ(డబ్ల్యూహెచ్‌వో) ప్రకటించింది.
శీతల పానీయాలలో సాధారణంగా ఉపయోగించే కృత్రిమ చక్కెర అస్పార్టేమ్‌ను కేన్సర్‌ కారకంగా వర్గీకరిస్తున్నట్లు ప్రపంచ ఆరోగ్య సంస్థ శుక్రవారం వెల్లడించింది. రోజువారీ తీసుకునే ఆమోదయోగ్యమైన పరిమితి స్థాయిలో మార్పు ఉండదని పేర్కొంది. అయితే ఉత్పత్తులను ఉపసంహరించుకోవాలని సంస్థలకు గానీ, పూర్తిగా వినియోగించొద్దని వినియోగదారులకు గానీ తాము సలహా ఇవ్వడం లేదని తెలిపింది. కేవలం అవగాహన కోసమే సలహా ఇస్తున్నామని డబ్ల్యూహెచ్‌ఓ పోషకాహార, ఆహార భద్రత డైరెక్టర్‌ ఫ్రాన్సిస్కో బ్రాంకా అన్నారు. కేన్సర్‌ వచ్చేందుకు ఆస్కారం ఉన్న ఇతర పదార్థాల్లో అలవెరా (కలబంద), డీజిల్‌, ఆసియా దేశాల్లో ఎక్కువగా వాడే కూరగాయలతో చేసిన ఊరగాయలు ఉన్నాయి.
డబ్ల్యూహెచ్‌కు చెందిన ఇంటర్నేషనల్‌ ఏజెన్సీ ఫర్‌ రీసెర్చ్‌ ఆన్‌ కేన్సర్‌ జూన్‌ 6 నుంచి 13 వరకు ఫ్రాన్స్‌లోని లియోన్‌లో జరిగిన సమావేశంలో అస్పార్టేమ్‌ కేన్సర్‌ కారకమని మొట్టమొదటిసారిగా అంచనా వేసింది. అస్పార్టేమ్‌ కారణంగా మానవుల్లో కేన్సర్‌ వచ్చే అవకాశం ఉందని ఐఏఆర్సీ బృందం వర్గీకరించినట్టు డబ్ల్యూహెచ్‌ఓ తెలిపింది. మనుషుల్లో కేన్సర్‌కు కారణమయ్యే అవకాశాలు ఉన్న గ్రూప్‌ 2బీలో అస్పార్టేమ్‌ను చేర్చింది. ప్రత్యేకంగా హెపాటోసెల్లర్‌ కార్సినోమాకు సంబంధించి (ఒక రకమైన కాలేయ కేన్సర్‌) అందుబాటులో ఉన్న పరిమిత సాక్ష్యాల ఆధారంగా దీనిని ఈ వర్గంలో చేర్చింది. జంతువులలో కేన్సర్‌కు సంబంధించి ప్రయోగాత్మకంగా పరిమిత ఆధారాలు ఉన్నాయి. టీ, కాఫీలలో ఉండే కెఫిక్‌ యాసిడ్‌, అలోవేరా గ్రూప్‌ 2బి కేటగిరీలో ఉందని లాస్‌ ఏంజిల్స్‌లోని సెడార్స్‌ సినారు మెడికల్‌ సెంటర్‌ కేన్సర్‌ ఎపిడిమియాలజీ ప్రొఫెసర్‌ పాల్‌ ఫారోV్‌ా చెప్పారు. అస్పార్టేమ్‌ అనేది 1980ల నుంచి వివిధ ఆహార, పానీయాల ఉత్పత్తులలో విస్తఅతంగా ఉపయోగించే ఒక కఅత్రిమ రసాయన స్వీటెనర్‌. ఇది డైట్‌ డ్రింక్స్‌, చూయింగ్‌ గమ్‌, జెలటిన్‌, ఐస్‌ క్రీం, పెరుగు వంటి పాల ఉత్పత్తులు, తఅణధాన్యాలు, టూత్‌పేస్ట్‌, దగ్గు, చుక్కల మందులో దీనిని వినియోగిస్తారు. గ్రూప్‌ 2బి వర్గీకరణ అస్పార్టేను అలోవేరా, ఇతర కూరగాయల మాదిరిగానే ఉంచుతుందని ఇంటర్నేషనల్‌ స్వీటెనర్స్‌ అసోసియేషన్‌ తెలిపింది.
