ప్రజాశక్తి-విజయనగరం కోట : ఈనెల 14 నుంచి గ్రంథాలయ వారోత్సవాలు నిర్వహిస్తున్నట్లు జిల్లా గ్రంథాలయ సంస్థ చైర్మన్‌ రెడ్డి పద్మావతి తెలిపారు. ఈ సందర్భంగా వారోత్సవాల వాల్‌పోస్టర్‌ను గురువారం ఆవిష్కరించారు. అనంతరం ఆమె మాట్లాడుతూ జిల్లావ్యాప్తంగా ఉన్న అన్ని గ్రంథాలయాల్లో వారోత్సవాలు నిర్వహిస్తామని తెలిపారు. ఈ వారం రోజులు సాహిత్య కార్యక్రమాలతో పాటు విద్యార్థులకు పలు పోటీలు నిర్వహిస్తామని తెలిపారు. విద్యార్లంతా దరూ సద్వినియోగం చేసుకోవాలని కోరారు. వారోత్సవ కార్యక్రమాలకు జెడ్‌పి చైర్మన్‌ మజ్జిశ్రీనివాసరావు, డిప్యూటీ స్పీకర్‌ కోలగట్ల వీరభద్రస్వామి, కలెక్టర్‌ ఎస్‌. నాగలక్ష్మి, జాయింట్‌ కలెక్టర్‌ మయూర్‌ అశోక్‌, డిఇఒ బి.లింగేశ్వరరెడ్డి హాజరవుతారని తెలిపారు. కార్యక్రమంలో గ్రంథాలయ సంస్థ ఇన్చార్జ్‌ కార్యదర్శి బి.లక్ష్మి, ఉప గ్రంథాలయ అధికారి కె.శ్రీనివాసరావు తదితరులు పాల్గొన్నారు.
