బెంగళూరు : రక్షణ పరిశోధన మరియు అభివృద్ధి సంస్థ (డిఆర్‌డిఒ)కి చెందిన మానవరహిత టెస్టింగ్‌ యుద్ధ విమానం ఆదివారం కర్ణాటకలో కుప్పకూలింది. కర్ణాటకలోని హిరియూర్‌ తాలూకాలోని వడ్డికెకె వద్ద కూలిపోయినట్లు అధికారులు తెలిపారు. ఈ ప్రమాదంలో ఎవరికి ఎలాంటి గాయాలు కాలేదని అన్నారు. స్థానికులు తపస్‌ 07ఎ-14 విమానాన్ని గుర్తించి పోలీసులకు సమాచారం అందించారు.
చల్లకెరె సమీపంలోని కుదాపురా వద్ద డిఆర్‌డిఒకి చెందిన ఓ టెస్టింగ్‌ విమానం వ్యవసాయ పొలంలో కూలిపోయిందని చిత్ర దుర్గ ఎస్‌పి కె. పరశురామ్‌ చెప్పారు. పోలీసులు, డిఆర్‌డిఒ బృందం ఘటనా స్థలానికి చేరుకున్నామని అన్నారు. కూలిపోయిన సమయంలో ఎవరూ లేకపోవడం ప్రమాదం తప్పిందని అన్నారు.
