వాషింగ్టన్‌ : ఆస్ట్రేలియాలో నిర్వహిస్తున్న బహుళ దేశాల సైనిక విన్యాసాల్లో అమెరికా హెలికాఫ్టర్‌ ఆదివారం ఉదయం కూలిపోయింది. ఈ ఘటనలో ముగ్గురికి తీవ్ర గాయాలు కాగా, ఒకరి పరిస్థితి విషమంగా ఉన్నట్లు అధికారులు తెలిపారు. ఒకరి పరిస్థితి విషమంగా ఉందని ఆస్ట్రేలియా ప్రధాని ఆంథోనీ అల్బేనీస్‌ స్పష్టం చేశారు. ఆస్ట్రేలియా, అమెరికా, పిలిప్పీన్స్‌, ఈస్ట్‌ తైమూర్‌, ఇండోనేషియా దేశాలు ప్రిడేటర్‌ రన్‌ పేరుతో ఆస్ట్రేలియాలో యుద్ధ విన్యాసాలు చేపడుతున్నాయి. అమెరికాకు చెందిన ఎంవీ-22బీ ఓస్ప్రే హెలికాప్టర్‌ ఉత్తర డార్విన్‌ ప్రాంతంలోని తివి ద్వీపం వద్ద కూలిపోయిందని ఆస్ట్రేలియన్‌ రక్షణ విభాగం తెలిపింది.
